كەشەندى تاكتيكالىق-ساپتىق ساباقتار ۇيىمداستىرىلادى
1 جەلتوقساننان باستاپ ءبىر اپتا ىشىندە قارۋلى كۇشتەردىڭ اسكەري باسقارۋ ورگاندارىن، قۇرامالارى مەن اسكەري بولىمدەرىن جاۋىنگەرلىك ازىرلىككە كەلتىرۋ كەزىندە جەكە قۇرامنىڭ ءىس-قيمىل داعدىلارىن جەتىلدىرۋگە باعىتتالعان كەشەندى تاكتيكالىق-ساپتىق ساباقتار ۇيىمداستىرىلادى، دەپ حابارلايدى Almaty-akshamy.kz.
ساباق بارىسىندا جاۋىنگەرلىك ەسەپتوپتار مەن كەزەكشى قىزمەتتەردىڭ ءىس-قيمىل ءتارتىبىن ناقتىلاۋ جۇرگىزىلەدى. شتابتار مەن اسكەري بولىمدەردىڭ، باسقا دا اسكەرلەر مەن اسكەري قۇرالىمداردىڭ اۋماقتىق بولىمشەلەرىمەن، ورتالىق جانە جەرگىلىكتى اتقارۋشى ورگاندارمەن ءوزارا ءىس-قيمىلى پىسىقتالادى.
جۇمىلدىرۋ رەسۋرستارىن قابىلداۋ پۋنكتتەرىن ورنالاستىرۋ بويىنشا جاتتىعۋلار ۇيىمداستىرىلاتىن بولادى. قۇرامالار مەن اسكەري بولىمدەردىڭ پراكتيكالىق ارەكەتتەرىنە ەرەكشە نازار اۋدارىلماق. جاۋىنگەرلىك تەحنيكالاردى بولىمشەلەردىڭ تۇراقتى ورنالاسقان پۋنكتتەرىنەن بەلگىلەنگەن اۋداندارعا شىعارۋ جۇزەگە اسىرىلادى.
قارۋلى كۇشتەر اۋقىمىنداعى كەشەندى تاكتيكالىق-ساپتىق ساباقتار 6 جەلتوقسانعا دەيىن جالعاسادى.