72 جاستاعى سارسەنباي قوتىراشوۆتىڭ ماقساتى – قازاقستاننىڭ 17 وبلىسىن ارالاۋ
ۇلىتاۋلىق قارت جيھانكەز الماتىعا جەتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
«ۇلىتاۋعا باردىڭ با؟» دەپ اتالاتىن قاريانىڭ بۇل مارافونى 31 ناۋرىز كۇنى باستالعان. ساپار بارىسىندا اقساقالعا جەزقازعان مەن قىزىلوردانىڭ اراسىنداعى جول اۋىر سوعىپتى. كەرەك-جاراق سالىنعان شاعىن ارباسىن سۇيرەپ، كۇنىنە 40-50 شاقىرىمدى باسىپ وتەدى ەكەن.
«ەڭبەكسىز زەينەت جوق» دەگەن قازاقتا ماقال بار. جولعا شىققاندا سول قىزىلوردا تراسساسى قيىنداۋ بولدى. ودان كەيىن قيىن بولعانى تۇلكىباس اۋدانىنان باستاپ، تارازعا دەيىنگى ارالىقتا قينالدىم»، – دەدى ۇستا، ساياحاتشى سارسەنباي قوتىراشوۆ.
سارسەنباي قوتىراشوۆ – ۇلىتاۋ ۇلتتىق تاريحي-مادەني جانە تابيعي مۋزەي-قورىعىنىڭ قىزمەتكەرى، ەڭبەك ارداگەرى. قاراشاعا دەيىن ول بۇكىل ەلدى-مەكەندى ارالاپ، قولدانبالى ونەر شەبەرلەرىمەن كەزدەسىپ، وزگە وڭىرلەردىڭ تۇرعىندارىن ۇلىتاۋ اۋدانىنىڭ تاريحىمەن جانە كيەلى جەرلەرىمەن تانىستىرماق. جيھانكەز ەرتەڭ الماتىدان سەمەي قالاسىنا اتتانباق.
«سارسەنباي قوتىراشوۆ وسپان ۇلىنىڭ ساياحاتىنا سەرىكتەس رەتىندە بىرگە كەلە جاتىرمىن.ءبىراق مەنىڭ مىندەتىم – قوناتىن، تاماقتاناتىن، دەمالاتىن جەرىن ۇيىمداستىرۋ. جالپى ساكەڭ بۇل ويىن 6 جىل بۇرىن جوسپارلاپ ەدى. ءبىز بار، وتباسى بار قارسىلىق تانىپ جۇردىك. بيىل ساياحاتقا شىقتى»، – دەدى ولكەتانۋشى باقتيار قوجاحمەتوۆ.