ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ۇلىتاۋ وبلىسىنا جۇمىس ساپارى اياسىندا ءوڭىر باسشىسى داستان رىسپەكوۆپەن كەزدەسۋ جانە وبلىس اكتيۆىمەن كەڭەس وتكىزدى. كەزدەسۋلەر بارىسىندا ۆەدومستۆو ەنگىزگەن سيفرلىق شەشىمدەردى قولدانۋ ەسەبىنەن الەۋمەتتىك-ەڭبەك سالاسىنداعى مەملەكەتتىك قولداۋ شارالارىنىڭ تيىمدىلىگى مەن اتاۋلىلىعىن ارتتىرۋدىڭ ءتۇيىندى ماسەلەلەرى تالقىلاندى.
وبلىس اكىمىمەن كەزدەسۋ بارىسىندا مەملەكەت باسشىسىنىڭ حالىقتى جۇمىسپەن قامتۋ جانە الەۋمەتتىك قولداۋ، كاسىپورىندارداعى ەڭبەك قاۋىپسىزدىگى جانە ەڭبەكتى قورعاۋ، ءومىر ءسۇرۋ ساپاسىن ارتتىرۋ جانە مۇگەدەكتىگى بار ادامدار ءۇشىن كەدەرگىسىز ورتا قۇرۋ جونىندەگى تاپسىرمالارىن ىسكە اسىرۋ ماسەلەلەرىنە ەرەكشە نازار اۋدارىلدى.
اكتيۆپەن وتكەن كەڭەستە سۆەتلانا جاقىپوۆا ەڭبەك مينيسترلىگى ەنگىزگەن سيفرلىق قۇرالداردىڭ مۇمكىندىكتەرىن كورسەتتى. اتاپ ايتقاندا، ول مەملەكەتتىك ينۆەستيسيالاردىڭ تيىمدىلىگىن ارتتىرۋعا جانە ساپالى جوسپارلاۋعا ارنالعان جوبالاردىڭ يننوۆاسيالىق ناۆيگاتورى تۋرالى ەگجەي-تەگجەيلى ايتىپ بەردى. جۇيە كادرلارعا دەگەن قاجەتتىلىكتى بولجاۋعا، ينۆەستيسيالار كولەمى، جوبالاردى ىسكە اسىرۋ كەزەڭدەرى جانە جۇمىس ورىندارىن قۇرۋ بويىنشا ناقتى كورسەتكىشتەر تۋرالى اقپارات الۋعا مۇمكىندىك بەرەدى.
«وسىلايشا، ءبىز وڭىرلەرگە ءوز جوبالارىن ىسكە اسىرۋعا جانە حالىقتى ناتيجەلى جۇمىسپەن قامتۋدى قامتاماسىز ەتۋگە كومەك كورسەتكىمىز كەلەدى»، – دەپ اتاپ ءوتتى ەڭبەك مينيسترلىگىنىڭ باسشىسى.
وتباسىنىڭ سيفرلىق كارتاسى (بۇدان ءارى – وسك) مەملەكەتتىك ورگاندارعا مەملەكەتتىك قولداۋعا مۇقتاج قازاقستاندىقتاردى انىقتاۋعا جانە قاجەتتى شارالاردى جەدەل قابىلداۋعا، الەۋمەتتىك ساياساتتىڭ ورتا جانە ۇزاق مەرزىمدى مىندەتتەرى مەن باعىتتارىن ايقىنداۋعا مۇمكىندىك بەرەدى. سونداي-اق، وسك ازاماتتاردىڭ الەۋمەتتىك مارتەبەسىنە بايلانىستى كەپىلدەندىرىلگەن مەملەكەتتىك قولداۋدىڭ قانداي دا ءبىر ءتۇرىن الۋعا قۇقىلى ەكەندىگى تۋرالى كۇندەلىكتى «ەلەكتروندىق حابارلاما» بولىپ تابىلادى. قازىرگى ۋاقىتتا وتباسىنىڭ سيفرلىق كارتاسى قازاقستاندىقتارعا قانداي دا ءبىر وتىنىشتەرسىز جاردەماقىلار مەن الەۋمەتتىك تولەمدەردىڭ 11 ءتۇرىن رەسىمدەۋگە مۇمكىندىك بەرەدى.
بۇل رەتتە وسك-مەن ۇقساس تۇردە ەڭبەك تاۋەكەلدەرىنىڭ سيفرلىق كارتاسى ازىرلەندى جانە ەنگىزىلدى، بۇل قىزمەتكەرلەرگە ءتيىستى ەڭبەك جاعدايلارى مەن جالاقى تولەۋدى قامتاماسىز ەتۋ مونيتورينگىن جۇرگىزۋگە، ىقتيمال ەڭبەك جانجالدارىنا ۋاقتىلى دەن قويۋعا جانە ولارعا جول بەرمەۋ جونىندە شارالار قابىلداۋعا مۇمكىندىك بەرەتىن بولادى.
ەڭبەك مينيسترلىگىنىڭ باسشىسى وسى جانە وزگە دە سيفرلىق شەشىمدەر ازاماتتاردىڭ ەڭبەك قۇقىقتارىن جانە مەملەكەتتىك كەپىلدىكتەرگە تەڭ قول جەتكىزۋدى، حالىققا قولداۋ شارالارىن كورسەتۋ كەزىندە اشىقتىق پەن الەۋمەتتىك ادىلەتتىلىكتى قامتاماسىز ەتۋگە باعىتتالعانىن اتاپ ءوتتى.