ميلليوننان استام اعاش جانە 790 كم اۆتوسۋارۋ
الماتىدا قالالىق ورتانى كوگالداندىرۋ بويىنشا اۋقىمدى باعدارلامانى ىسكە اسىرۋ جالعاسۋدا. 2025 جىلدىڭ باسىنان باستاپ مەگاپوليستە بيىكتىگى 6 مەتردەن اساتىن 2000 ءىرى اعاش وتىرعىزىلدى، ونىڭ ىشىندە ياسەن، ليپا، كۇمىس ۇيەڭكى، ستاندارتتى قاراعاش، قاراعاي، كوك جانە جاسىل شىرشالار. سونداي-اق، بيىكتىگى 2،5 مەتردەن اساتىن 20 مىڭعا جۋىق كوشەت جانە 10 مىڭنان استام بۇتا وتىرعىزىلدى. كۇزدە بيىكتىگى 4-تەن 6 مەترگە دەيىن تاعى 4 مىڭ ءىرى اعاش وتىرعىزۋ جوسپارلانۋدا، دەپ حابارلايدى aqshamnews.kz
سوڭعى ەكى جىلدا الماتىدا 1 ميلليوننان استام اعاش پەن بۇتا وتىرعىزىلدى. جاسىل كەڭىستىكتەرگە كۇتىم جاساۋدىڭ جاڭارتىلعان تاسىلدەرىنىڭ ناتيجەسىندە كوشەتتەردىڭ ءومىر ءسۇرۋ دەڭگەيى ايتارلىقتاي ءوستى، 2022 جىلى 70 پايىزدان 2024 جىلى 90 پايىزعا دەيىن.
تۇراقتى كوگالداندىرۋ ۇلگىسىنە كوشۋ اياسىندا كوپجىلدىق وسىمدىكتەردىڭ ۇلەسى ارتىپ كەلەدى. 2025 جىلى گۇلدى بەزەندىرۋ 120 مىڭ شارشى مەتردەن اسادى، ونىڭ 64 پايىزى كوپجىلدىقتاردى الادى — بۇل الدىڭعى ماۋسىمدارعا قاراعاندا ءبىر جارىم ەسە كوپ.
سۋارۋدى قامتاماسىز ەتۋگە كوپ كوڭىل بولىنەدى. ەكى جىل ىشىندە قالادا 500 شاقىرىم اۆتو سۋارۋ جانە تامشىلاتىپ سۋارۋ جەلىلەرى سالىندى، 2025 جىلى تاعى 290 شاقىرىم سالۋ جوسپارلانۋدا، بۇل 1 ميلليونعا دەيىن اعاشتى سۋارۋعا مۇمكىندىك بەرەدى.
اعىمداعى تاسىلدەرگە تۇسىنىكتەمە بەرە وتىرىپ، يەمبايەۆ اتىنداعى كارانتين جانە وسىمدىكتەردى قورعاۋ ينستيتۋتىنىڭ ءبولىم باسشىسى نۇرجان مۇحامادييەۆ: «ءىرى اعاشتاردى تاڭداۋ، اۆتوسۋارۋدى ەنگىزۋ جانە كوپجىلدىقتاردىڭ ۇلەسىن ارتتىرۋ — بۇل زاماناۋي جانە عىلىمي نەگىزدەلگەن شەشىمدەر. كوشەتتەردىڭ ءتۇسۋىن 10 پايىزعا دەيىن تومەندەتۋ قابىلدانعان شارالاردىڭ تيىمدىلىگىنىڭ ايقىن دالەلى بولىپ تابىلادى».
قالانى كوگالداندىرۋ جۇمىستارى كليماتتىق جانە لاندشافتتىق جاعدايلارعا بەيىمدەلگەن قالالىق ورتانىڭ ساپاسىن جاقسارتۋعا جۇيەلى كوزقاراس اياسىندا جۇزەگە اسىرىلادى.