ۇلىبريتانيانىڭ جوعارى ءبىلىم بەرۋ سەكتورى قازاقستان ءبىلىم نارىعىنا قىزىعۋشىلىق تانىتىپ وتىر

بريتان كەڭەسى ارنايى فورۋم وتكىزدى. جوبادا - قوس ديپلوم، بىرلەسكەن عىلىمي ىنتىماقتاستىق، قاشىقتىقتان وقىتۋ مەن دارىستە سيفرلىق تەحنولوگيالاردى پايدالانۋ سياقتى باعىتتارعا باسىمدىق بەرىلگەن.

بريتان كەڭەسىنىڭ CreativeSpark جانە InterLinks دەپ اتالاتىن گرانتتىق باعدارلامالارى بىزدە ءساتتى جۇزەگە اسىپ كەلەدى، دەپ حابارلايدى Almaty-akshamy.kz.

ولار ەكى ەل اراسىندا 1،2 ميلليون فۋنت ستەرلينگتەن استام ينۆەستيسيانى قۇراعان 20-دان استام سەرىكتەستىك ورناتۋعا كومەكتەسكەن. «الماتىدا دە مونفورت ۋنيۆەرسيتەتىنىڭ كامپۋسىنىڭ اشىلۋى جانە حەريوت-ۋاتت ۋنيۆەرسيتەتى مەن جۇبانوۆ اتىنداعى اقتوبە ايماقتىق ۋنيۆەرسيتەتى قوس ديپلومدىق باعدارلاماسىنىڭ ناتيجەسىن كورسەتىپ وتىر»،-دەيدى ۇيىمداستىرۋشىلار.

«بۇل فورۋمدا ءبىز الداعى ۋاقىتتا قالاي بىرلەسە جۇمىس ىستەي الاتىنىمىزدى تالقىلاۋعا جينالدىق. قازاقستان مەن ۇلىبريتانيا ۋنيۆەرسيتەتتەرى ءوزارا سەرىكتەس. ءبىراق ءارقايسىسى ءار ءتۇرلى دەڭگەيدە، ءبىرى ەندى باستاپ جاتسا، كەيبىرى بىرلەسىپ ىستەگەن جۇمىستىڭ ناقتى ناتيجەسىمەن بولىسۋگە ءازىر. ستۋدەنتتەرگە قوس ەلدىڭ ديپلومىن بەرۋ جاعىن جالعاستىرۋدى دا قاراستىرىلىپ جاتىر. ءبىز سەرىكتەستىك مودەلىن ۇسىنامىز، قازاقستاننىڭ ءار وڭىرىندەگى وقۋ ورنى ءوزى تاڭداي الادى»، - دەدى ۇلىبريتانيا جوعارى ءبىلىم بەرۋ ساپاسىن قامتاماسىز ەتۋ اگەنتتىگىنىڭ قىزمەتكەرى پيرس ۋولل.