الاتاۋ تەاترىندا العىس ايتۋ كۇنىنە ارنالعان مەرەكەلىك كونسەرت ءوتتى
الماتى اكىمى ۇيىمداستىرعان مەرەكەلىك ءىس-شارا الاتاۋ تەاترىندا بولدى. وعان الماتى قالاسى اكىمىنىڭ ورىنباسارى ارمان قىرىقبايەۆ، قوعام جانە مادەنيەت قايراتكەرلەرى، الماتى قالاسىنىڭ قحا مۇشەلەرى، سونداي-اق قالا تۇرعىندارى مەن قوناقتارى قاتىستى. مەرەكەلىك كەشتە روزا رىمبايەۆا، مەيرامبەك بەسپايەۆ، “مۋزارت” توبى جانە وزگە دە قازاق ەستراداسىنىڭ جۇلدىزدارى ونەر كورسەتتى.
- 1 ناۋرىز العىس ايتۋ كۇنى. بۇل كۇنى قازاقستانعا 130 جۋىق ۇلت العىس ايتادى. بۇل مەرەكەنىڭ ءمانىن ەلىمىزدىڭ ءبىرتۇتاستىعىن كورسەتىپ، بىرلىك پەن ىنتىماققا شاقىراتىن كۇن دەپ تۇسىنەمىن. جاقىندا توعىزقۇمالاقتان جارىس وتكىزدىك. وعان قالانىڭ جان-جاعىنان كەلگەن بالالار قاتىسىپ، 1 قازاق جىگىت، 1 قىرعىز قىز، 1 ۇيعىر قىز ءبىرىنشى ورىنعا يە بولدى. قازاقستان ۇيعىرلارىنىڭ رەسپۋبليكالىق ەتنومادەني ورتالىعىنىڭ ءتوراعاسى رەتىندە قازاق حالقىنا مىڭ العىس ايتامىن، - دەدى قازاقستان ۇيعىرلارىنىڭ رەسپۋبليكالىق ەتنومادەني ورتالىعىنىڭ ءتوراعاسى دولكۋنتاي ابدۋحاليل.
