بۇل – ەلدەگى كوروناۆيرۋستىڭ وميكرون تۇرىنەن تىركەلگەن العاشقى ءولىم.
بۇل تۋرالى كورولدىكتىڭ پرەمەر-مينيسترى بوريس دجونسون مالىمدەدى. سونداي-اق 10-عا جۋىق تۇرعىن اۋرۋحاناعا تۇسكەن.
دجونسون "وميكروننان" ساقتاناتىن بىردەن-بىر جول – ريەۆاكسينالاۋ ەكەنىن جەتكىزدى. ەل استاناسى لوندوندا ەكپە الۋعا كەزەك كۇشەيدى. بريتانيانىڭ دەنساۋلىق ساقتاۋ ءمينيسترى سادجيد دجاۆيد بريتانيادا ءقازىر كوۆيدپەن اۋىرعانداردىڭ 20 پايىزى وميكرون جۇقتىرعانىن العا تارتادى.ول الداعى 2-3 كۇندە بۇل ۆيرۋستى جۇقتىرۋشىلار سانى 2 ەسە ارتاتىنىن ەسكەرتىپ جاتىر.
«ىندەت باستالعاننان بەرى بىزدە ۆيرۋس پەن ۆاكسينا اراسىندا كۇرەس ءجۇرىپ جاتىر. جاڭا "وميكرون" شتامى پايدا بولعالى، ەپيداحۋال قايتا ۋشىقتى. كوروناۆيرۋستىڭ بۇل شتامى وتە جىلدام تارالىپ بارادى. بريتانيادا ءقازىر 4713 ادام وميكرون جۇقتىرعان. بۇل كورسەتكىش لوندوندا 44 پروسەنت بولىپ وتىر»، - ۇلىبريتانيا دەنساۋلىق ساقتاۋ ءمينيسترى سادجيد دجاۆيد.