تاۋەلسىزدىك كۇنىنە ارنالعان سالتاناتتى ءىس-شارالار پارتيا فيليالدارىنىڭ بارلىق وڭىرلىك الاڭدارىندا ءوتتى.
تاۋەلسىزدىك كۇنى قارساڭىندا Nur Otan پارتياسى اقف ءتوراعاسى، الماتى اكىمى باقىتجان ساعىنتايەۆ نۇروتاندىقتارعا «بەلسەندى قىزمەتى ءۇشىن» ناگراداسىن تاپسىردى، دەپ حابارلايدى Almaty-akshamy.kz
جوعارى پارتيالىق ماراپاتقا پارتيا باستامالارىن جۇزەگە اسىرۋعا بەلسەنە قاتىسقان پارتيا مۇشەلەرى يە بولدى. ماراپاتتارعا ءبىلىم، مادەنيەت، دەنساۋلىق ساقتاۋ سالالارىنىڭ وكىلدەرى، كاسىپكەرلەر جانە Nur Otan پارتياسىنىڭ قالالىق، اۋداندىق فيليالدارىنىڭ، باستاۋىش پارتيا ۇيىمدارىنىڭ قىزمەتكەرلەرى يە بولدى.
پارتيانىڭ الماتى قالالىق فيليالىنىڭ ءتوراعاسى، الماتى قالاسىنىڭ اكىمى باقىتجان ساعىنتايەۆ حالىقتىڭ ءومىر ءسۇرۋ ساپاسىن جاقسارتۋ بويىنشا سايلاۋالدى ۋادەلەرىن ىسكە اسىرۋ بويىنشا پارتيالىق جۇمىستىڭ ماڭىزدىلىعىن اتاپ ءوتتى. باقىتجان ساعىنتايەۆ بيۋدجەت قاراجاتىنىڭ جۇمسالۋىنا جانە مەگاپوليس ينفراقۇرىلىمىن جاقسارتۋ، الەۋمەتتىك نىساندار مەن تۇرعىن ءۇي سالۋ بويىنشا جۇرگىزىلىپ جاتقان جۇمىستاردىڭ ساپاسىنا پارتيالىق باقىلاۋدىڭ ماڭىزدىلىعىن اتاپ ءوتتى.
الماتىلىقتاردان «بەلسەندى قىزمەتى ءۇشىن» توسبەلگىسىنە 25 پارتيا مۇشەسى يە بولدى. ولاردىڭ اراسىندا ءبىلىم بەرۋ، دەنساۋلىق ساقتاۋ، ەكونوميكا، ونەركاسىپ، قوعامدىق ۇيىمدار، پارتيانىڭ الماتى قالالىق جانە اۋداندىق فيليالدارىنىڭ قىزمەتكەرلەرى بار.
پارتيالىق ماراپاتتارعا يە بولعانداردىڭ تولىق ءتىزىمىن سايتتان قاراۋعا بولادى.
