بۇل ايتۋلى وقيعا ق ر تاۋەلسىزدىگىنىڭ 30 جىلدىعىنا ورايلاستىرىلىپ وتىر. ول الماتى پوليسياسىنىڭ مۇراجايىندا ءوتتى.
الماتىدا 20 پوليسيا قىزمەتكەرى العاشقى قىزمەتتىك كۋالىكتەرىن الدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
«العاشقى قىزمەتتىك كۋالىكتەردى تاپسىرۋ سالتاناتى باي ءارى قاراپايىم تاريحى بار مەملەكەتتىك مەرەكە قارساڭىندا ءوتۋى تەگىن ەمەس. مۇنداعى ماقسات – قۇقىق قورعاۋ ورگاندارى قىزمەتكەرلەرىنىڭ جاس ۇرپاعىن رۋحاني-ادامگەرشىلىككە تاربيەلەۋ، ازاماتتاردىڭ قۇقىقتارى مەن بوستاندىقتارىن قورعاۋ. ءداستۇر بويىنشا بۇل شارا ءىىو ارداگەرلەرىنىڭ بەلسەندى قاتىسۋىمەن وتەدى. حالىققا، ەلگە ۇلگىلى قىزمەت كورسەتۋدىڭ مىسالىمەن جاس جەدەل ۋاكىلدەر، تەرگەۋشىلەر، پاترۋلدىك پوليسيا قىزمەتكەرلەرى، ۋچاسكەلىك پوليسيا ينسپەكتورلارى قۇقىقتىق ءتارتىپتى قامتاماسىز ەتۋدە دۇرىس كۋرس الىپ، ونى ماقساتتى تۇردە ۇستانادى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ءابدۋالي ناشاربەكوۆ.