ۇلىبريتانيادا كوروناۆيرۋستىق شەكتەۋلەر تولىعىمەن الىنىپ تاستالۋى مۇمكىن
بيلىك مۇنداي قادامدى ەلدەگى ەپيدەميولوگيالىق جاعدايدىڭ تۇراقتالۋىنا بايلانىستى قابىلداۋدى جوسپارلاپ وتىر، دەپ حابارلايدى Almaty-akshamy.kz
كەلەسى ايدىڭ سوڭىنا قاراي ناۋقاستاردان بۇرىنعىداي وقشاۋلانۋ تالاپ ەتىلمەيدى، ءبىراق ۇيدەن شىقپاۋعا كەڭەس بەرىلەدى. كەيبىر ساراپشىلار ءۇشىن بۇل كۇتپەگەن جاڭالىق بولدى، ويتكەنى ەلدە ەكپە الماعاندار ءالى دە بار.
«شارالاردان باس تارتۋعا ءالى ەرتە»، – دەيدى ماماندار.
ەسكە سالايىق، ۇلىبريتانيادا جابىق ورىنداردا جانە كولىكتە بەتپەردە تاعۋ مىندەتتى ەمەس. ال كەيبىر قوعامدىق ءىس-شارالار مەن تۇنگى كلۋبتارعا بارۋ ءۇشىن ەندى ۆاكسينالاۋ ءتولقۇجاتىن كورسەتۋدىڭ قاجەتى جوق.
«قازىرگىدەي وڭ تەندەنسيا ساقتالاتىن بولسا، مەن شەكتەۋلەردى، سونىڭ ىشىندە كوۆيد جۇقتىرعانداردى وقشاۋلانۋعا مىندەتتەيتىن زاڭ تالابىن 21 اقپاننان باستاپ تولىعىمەن الىپ تاستاي الامىن دەپ ۇمىتتەنەمىن»، - دەدى ۇلىبريتانيا پرەمەر-مينيسترى بوريس دجونسون.