كۇن استىندا سەرۋەندەۋدەن، اشىق اسپان استىندا جۇمىس ىستەپ، جاتتىعۋ جاساۋدان اۋلاق بولۋ سۇرالادى.
4 شىلدەدە الماتىدا سىناپ باعانى 36 گرادۋسقا دەيىن كوتەرىلەتىنى بولجانادى. وسىعان بايلانىستى الماتى قالالىق تجد ماماندارى ەسكەرتۋ جاسادى، دەپ حابارلايدى Almaty-akshamy.kz.
قالا تۇرعىندارى مەن قوناقتارىنان كۇن استىندا سەرۋەندەۋدەن، اشىق اسپان استىندا جۇمىس ىستەپ، جاتتىعۋ جاساۋدان اۋلاق بولۋ سۇرالادى. سونداي-اق، قۇتقارۋشىلار دارىگەردىڭ ۇسىنىستارىن ورىنداپ، تاعايىندالعان دارى-دارمەكتەردى ۋاقتىلى قابىلداۋ كەرەكتىگىن ەسكە سالادى.
اپتاپ ىستىق جۇرەك-قان تامىرلارى اۋرۋلارىنان، ارتەريالىق گيپەرتونيادان زارداپ شەگەتىندەر ءۇشىن، سونداي-اق ينفاركت پەن ينسۋلت الۋ ءقاۋپى بار ادامدار ءۇشىن وتە ءقاۋىپتى.