سوت ەر ادامدى تۇرمەگە جاپتى
ۇلىبريتانيادا 34 جاستاعى مەتتيۋ بوۋلتەر پوليسەيگە شابۋىل جاساپ، قىزمەتتىك ءيتتى تىستەپ العان. ول بۇل ىستەرى ءۇشىن تۇرمەگە قامالدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
باسىلىم مالىمەتىنشە، ونىڭ كورشىلەرى پوليسياعا شاعىمدانعان. ەر ادام بىرنەشە ادامعا شابۋىل جاساعان. وقيعا ورنىنا پوليسەيلەر بارعان، ءبىراق ول جاي بەرىلگىسى كەلمەگەن. كەيىن كساندەر اتتى قىزمەتتىك يت وفيسەرگە كومەككە جۇگىرگەن. ال بوۋلتەر ءيتتىڭ باسىنان تىستەپ العان.
اقىر اياعىندا ءتارتىپ بۇزۋشى قاماۋعا الىنعان. كەيىن وعان ءۇش ادامعا، ونىڭ ىشىندە پوليسيا قىزمەتكەرىنە شابۋىل جاساعانى، جانۋارعا شابۋىلداعانى ءۇشىن ايىپ تاعىلعان. سوت ەر ادامدى تۇرمەگە جاپقان.