3ح3 U-18 ءتۋرنيرىن حالىقارالىق باسكەتبول فەدەراسياسى 2001 جىلدان بەرى وتكىزىپ كەلەدى. 18 جاسقا دەيىنگى جاستار ۇلتتىق قۇراما كوماندالارى اراسىنداعى ءىرى دودادا كىل مىقتىلار ب ا ق سىناماق، دەپ حابارلايدى Almaty-akshamy.kz Inform.kz-كە سىلتەمە جاساپ.
D توبىنا تۇسكەن قازاقستان قۇراماسى ۋكراينا، ليتۆا، باحرەين جانە برازيليا ويىنشىلارىمەن كەزدەسەدى.
قۇراما باپكەرى ريۆحات بابەكەنوۆ جاتتىعۋ جيىندارىنىڭ قالاي وتكەنى، جاستاردىڭ جالپى دايىندىعى، قازاقستاننىڭ بۇل تۋرنيردەگى مۇمكىندىكتەرى جايىندا پىكىر ءبىلدىردى.
«جاتتىعۋ جيىندارى جاقسى دەڭگەيدە ءوتتى. مەنىڭ قولىمدا 6 كانديدات بولدى. راديسلاۆ روديونوۆ، ستەپان ياكۋبوۆيچ، ءامىر تاشيموۆ، ەلدار حيلاجيەۆ، ءانۋار ارگينبايەۆ جانە تيمۋر باتىركۋل. تەك العاشقى ەكى بالا بۇرىن بىرگە ويناعان، ولاردىڭ ءبىرى راديسلاۆ روديونوۆ وتكەن جىلعى جاستار الەم كۋبوگىندا ونەر كورسەتۋ تاجىريبەسى بار، قالعان ۇمىتكەرلەر ءتۇرلى كوماندالاردان جينالعان. ءبىزدىڭ قويعان ماقسات مىندەتتەرىمىزدىڭ ءبىرى دە سول بولدى: ولار ءبىر-بىرىن جاقسى ءتۇسىنىپ، قالاي جۇمىس ىستەۋ كەرەكتىگىن ءبىلۋ ءۇشىن ويىندى ۇيىمداستىردىق. بۇل ءبىزدىڭ قولىمىزدان كەلدى دەپ ويلايمىن. جالپى، ۇلتتىق قۇرامانىڭ ويىنشىلارىن دايارلاۋدىڭ جەكە كەزەڭى قاناعاتتانارلىق جاعدايدا. ءبىز جاتتىعۋدى شامامەن ءبىر اي بۇرىن باستادىق. الدىمەن ءبىز دەنە شىنىقتىرۋعا نازار اۋداردىق، سودان كەيىن كوماندالىق قارىم-قاتىناسقا كوڭىل بولدىك. وسى مۇمكىندىكتى پايدالانىپ Forum Hoops ۇيىمىنا العىسىمدى ايتقىم كەلدى. ولار بىزگە جاتتىعۋ پروسەسىنە ىڭعايلى كەستە بويىنشا ويىن الاڭىن ۇسىندى»، - دەيدى ول.
سونداي-اق، ول قازاقستاننىڭ بيىلعى قارسىلاستارى جونىندە دە ءسوز قوزعادى.
«وسى جىلى ءبىز ۋكراينا، ليتۆا، باحرەين جانە برازيليا قۇرامالارىمەن ءبىر توپقا تۇستىك. بۇل الەم چەمپيوناتى بولعاندىقتان وڭ جامباسىمىزعا كەلەتىن وڭاي قارسىلىس بولادى دەۋ قيىن. سوندىقتان، ءبىزدىڭ مۇمكىندىكتەرىمىزدى ەسكەرە كەلە، قازاقستاننىڭ الەمدىك دەڭگەيدەگى جارىسقا شىعۋىنىڭ ءوزى ۇلكەن جەتىستىك دەپ ويلايمىن. ارينە، ءبىز شايقاسقا دايىنبىز. بارىمىزدى سالىپ، ءبىزدىڭ ەلدە دە 3ح3 باسكەتبول بار ەكەنىن كورسەتىپ، جەڭىسكە ۇمتىلماق نيەتتەمىز. دەگەنمەن، جوعارىدا اتالعان ءاربىر قۇرامانىڭ ءوز مىقتى تۇسى بار. جاقسى ويىن بولادى دەپ سەنەمىز»، - دەدى باپكەر.
ايتا كەتەلىك، قازاقستان كومانداسى العاشقى ماچتى ليتۆاعا قارسى وتكىزەدى.
ەستەرىڭىزگە سالا كەتەيىك، وتكەن جىلى ريۆحات بابيكەنوۆتىڭ جەتەكشىلىگىمەن 3ح3 باسكەتبولدان جاستار قۇراماسى الەم كۋبوگىنىڭ شيرەك فينالىنا دەيىن جەتتى.
قازاقستان قۇراماسى العاشقى ويىنىن 24 تامىز كۇنى ليتۆا قۇراماسىنا قارسى وتكىزەدى.
U18 الەم كۋبوگى 28 تامىزعا دەيىن جالعاسادى.