تامىز ايىنىڭ باسىنان بەرى حاينان كۋرورت پروۆينسياسىندا (وڭتۇستىك جۇڭگو) كوروناۆيرۋس ينفەكسياسىنىڭ 16 مىڭنان استام جاعدايى انىقتالدى، دەپ حابارلايدى Almaty-akshamy.kz Inform.kz-كە سىلتەمە جاساپ.
اگەنتتىك مالىمەتىنشە، 1-19 تامىز ارالىعىندا حاينان پروۆينسياسىندا COVID-19 ۆيرۋسىن جۇقتىرۋدىڭ 6،7 مىڭنان استام جاعدايى جانە اۋرۋ بەلگىسى جوق 9،5 مىڭنان استام تاسىمالداۋشى تىركەلگەن.
جەرگىلىكتى بيلىك مالىمدەمەسىنە سايكەس، كوروناۆيرۋس جۇقتىرۋ جاڭا جاعدايلارىنىڭ سانى سوڭعى ەكى كۇندە ازايىپ كەلەدى.
سونىمەن قاتار 9-19 تامىز ارالىعىندا بۇرىن كۋرورتتىق ارالدان شىعا الماي قالعان 124 مىڭنان استام تۋريست ۇشىپ كەتە الدى.
بۇل رەتتە 11 مىڭنان استام تۋريست ارالدان تەڭىز ارقىلى كەتكەن.
بۇرىن حابارلانعانداي، تامىز ايىنىڭ باسىندا حاينان پروۆينسياسىندا كوروناۆيرۋستىڭ جاڭا وشاقتارى تىركەلدى.
ءبىر عانا سانيا كۋرورت قالاسىندا COVID-19 ىندەتىنە بايلانىستى 80 مىڭنان استام تۋريست قايتا كەتە الماي قالدى.