ريەۆاكسيناسيادان 35 ملن بريتاندىققا دەيىن ءوتۋى ءتيىس.
بريتان ۇكىمەتى مەملەكەتتە كۆي-عا قارسى ريەۆاكسيناسيا باستالعانىن جاريالادى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
ۇلىبريتانيانىڭ دەنساۋلىق ساقتاۋ ءمينيسترى سادجيد ءدجاۆيدتىڭ ايتۋىنشا، تىزىمگە ەنگىزىلگەن ازاماتتارعا كەزەك جاقىنداعان سايىن حابارلانادى. ريەۆاكسيناسيادان 35 ملن بريتاندىققا دەيىن ءوتۋى ءتيىس، ال بۇل ەل حالقىنىڭ جارتىسىنا جۋىعى.
ريەۆاكسيناسيا ءراسىمى دارىگەرلەرگە، الەۋمەتتىك قىزمەتكەرلەرگە، 50 جاستان اسقان ادامدارعا جانە سوزىلمالى اۋرۋلارى بار نەمەسە يممۋنيتەتى تومەن ادامدارعا، سونداي-اق وسى پاسيەنتتەردىڭ جاقىندارىنا قاتىستى بولادى.
ال يتاليا ازاماتتارى COVID-19 يممۋنداۋ پاسپورتى بولماسا، جۇمىسقا جىبەرىلمەيدى.
يتاليا ۇكىمەتى كوروناۆيرۋسقا قارسى ۆاكسينالاۋدان ءوتۋدى نەمەسە اۋرۋعا يممۋنيتەتتىڭ بولۋىن راستايتىن قۇجاتتىڭ مىندەتتى بولۋى تۋرالى جارلىققا قول قويدى. ەرەجە بارلىق جۇمىس ىستەيتىن ازاماتتارعا قولدانىلادى. كوۆيد سەرتيفيكاتى جوق ادامدار جالاقىسىز، جۇمىستان شىعارىلادى. "جاسىل وتكەلسىز" جۇمىسىن جالعاستىرۋشىلارعا 600-دەن 1 500 ەۋروعا دەيىن ايىپپۇل سالىنۋى مۇمكىن.