الماتىدا «بوزتورعاي» بالالار شىعارماشىلىق بايقاۋى ءوتىپ جاتىر

پاندەمياعا بايلانىستى بايقاۋ ونلاين جانە وفلاين فورماتتا وتۋدە.

الماتىدا حالىقارالىق «بوزتورعاي» بالالار شىعارماشىلىق بايقاۋى ءوتىپ جاتىر. بۇگىن بايقاۋدىڭ سوڭعى كۇنى، دەپ حابارلايدى Almaty-akshamy.kz Almaty.tv سىلتەمە جاساپ.

"الاتاۋ" ءداستۇرلى ونەر تەاترىندا ونلاين جانە وفلاين فورماتتا ۇيىمداستىرىلعان سايىسقا ەلىمىزدىڭ ءار وڭىرىنەن جاس دارىندار قاتىسۋدا.سونداي-اق شەت مەملەكەتتەردىڭ تالانتتارى دا ءوز ونەرلەرىن تاسپاعا جازىپ جولداپ، باقتارىن سىناپ جاتىر.  

جاس دارىنداردىڭ ونەرىن وركەندەتۋگە باعىتتالعان حالىقارالىق دەڭگەيدەگى «بوزتورعاي» بايقاۋى الماتىدا 23ء-شى مارتە "الاتاۋ" ءداستۇرلى ونەر تەاترىندا ۇيىمداستىرىلىپ وتىر.

وعان قازاقستان مەن تمد ەلدەرىنىڭ جانە بولگاريا، چەحيا، يتاليا، پورتۋگاليا مەن يسپانيانىڭ جاس تالانتتارى قاتىسىپ جاتىر. شەتەلدىك ونەرپازدار ورىنداعان تۋىندىلارىن بەينە تاسپاعا جازىپ، جولداعان.

ۇكىلى دومبىرا مەن ساز-سىرناي، جەتىگەن. قۇلاقتان كىرىپ، بويدى العان حالىق اندەرى مەن اسەم كۇي ورىنداعان جاس ورەندەر وسىلاي كوپشىلىكتى ءتانتى ەتۋدە. بايقاۋدا رامازان ستامعازييەۆ، لاكي كەسوگلۋ سەكىلدى ەلىمىزدىڭ تانىمال تۇلعالارى قازىلىق ەتىپ، 60-تان اسا ءانشى، 20-دان اسا ءداستۇرلى ورىنداۋشىلار مەن 16 بي توبىنىڭ ونەرىنە باعا بەرىپ جاتىر.