ۇلىبريتانيا الداعى ەكى جىلدا قورعانىس بيۋدجەتىن 5 ملرد فۋنتقا ارتتىرادى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
ۇلىبريتانيانىڭ قورعانىس بيۋدجەتى دۇيسەنبىدە جاريالاناتىن جاڭا قاۋىپسىزدىك ستراتەگياسىندا ۇلعايادى. بۇل تۋرالى اقپاراتتى بريتانيا پرەمەر-مينيسترى ريشي سۋناك كاليفورنيادا اقش پرەزيدەنتى دجو بايدەنمەن جانە اۋستريا پرەمەر-مينيسترى ەنتوني البانەزەمەن كەزدەسپەس بۇرىن راستادى.
2021 جىلى ءۇندى-تىنىق مۇحيتى ايماعىندا قورعانىستى قامتاماسىز ەتۋ تۇرۋ ءۇشىن قۇرىلعان AUKUS (اۋستراليا، ۇلىبريتانيا، امەريكا قۇراما شتاتتارى) قورعانىس اليانسى شەڭبەرىندەگى بۇل كەزدەسۋدە اۋستراليانىڭ اتوم سۇڭگۋىر قايىعىن جەتكىزۋدى ۇيلەستىرۋ جوسپارلانعان. اۋستراليا اقش، ۇلىبريتانيا، فرانسيا، جۇڭگو، ءۇندىستان جانە رەسەيدەن كەيىن الەمدەگى اتوم سۇڭگۋىر قايىقتارىن پايدالاناتىن جەتىنشى ەل بولادى.
ۇلىبريتانيا 3 ميلليارد فۋنتتى AUKUS-تى قولداۋعا جانە سۇڭگۋىر قايىقتاردى جاساۋ جانە تەحنيكالىق قىزمەت كورسەتۋ بويىنشا ونەركاسىپ ينفراقۇرىلىمىن جەتىلدىرۋگە جۇمساۋدى جوسپارلاپ وتىر.