قازاقستاندا ۆەتەرينار مامانداردىڭ مارتەبەسى زاڭمەن بەكىتىلمەك.
بۇل تۋرالى اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ ءتوراعاسى اسقار جاقىپبايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وكىنىشكە قاراي، 11/93 قاۋلىسىنا سايكەس، ۆەتەرينارلاردىڭ مارتەبەسى زاڭمەن ناقتىلانباعان. قۇجاتتا ۆەتەرينارلار تۋرالى «تاعى سول سياقتى» دەگەن بولىكتە ايتىلعان. بۇل تەرىس اسەر ەتەدى. سوندىقتان، الدىمەن، ۆەتەرينارلاردىڭ مارتەبەسى بەكىتىلەدى. ۇستازداردا بار، دارىگەرلەردە بار، ال ۆەتەرينارلاردا مارتەبە جوق»، – دەدى اسقار جاقىپبايەۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، ارنايى مارتەبە بەرىلگەن جاعدايدا، ەڭبەك دەمالىسىنا شىققان ۆەتەرينارعا ساۋىقتىرۋ بويىنشا ەكى ايلىق جالاقى كولەمىندە جاردەماقى، سونداي-اق عىلىمي دارەجەسىنە قاراي ۇستەماقى قاراستىرىلىپ وتىر.
اشم وكىلى ايتقان كەلەسى جاڭاشىلدىق - ۆەتەرينارلار ارنايى كيىم جانە قۇرال-جابدىقپەن قامتاماسىز ەتىلمەك.