قازاقستاندىق بايلار بريتانيالىق «التىن ۆيزادان» ايىرىلۋى مۇمكىن
ەلدىڭ مۇنداي قادامعا بارۋىنا رەسەيدىڭ سوڭعى ۋاقىتتا ۋكرايناعا قاتىستى ساياساتى تۇرتكى بولىپ وتىر. جەرگىلىكتى ءىىم-نىڭ پىكىرىنشە، مۇنداي ۆيزانىڭ جويىلۋى اقشانى جىلىستاتۋدى شەكتەيدى، دەپ حابارلايدى Almaty-akshamy.kz
بۇل باعدارلامانىڭ ەرەجەلەرى بويىنشا، ەلگە 2 ملن فۋنت ستەرلينگ كولەمىندە ينۆەستيسيا قۇيعاندار ۇلىبريتانيادا ءۇش جىل بويى تۇرۋ قۇقىعىنا يە بولىپ، كەيىن ونى ەكى جىلعا ۇزارتا الادى.
Tribune India باسىلىمىنىڭ دەرەگىنە سۇيەنسەك، 2008 جانە 2020 جىلدارى ارالىعىندا مۇنداي ۆيزانى الەمنىڭ ءبىرقاتار ەلىنىڭ اۋقاتتى ازاماتتارى العان. بۇل تىزىمدە جۇڭگو كوش باستاپ تۇر. وسى كۇنگە دەيىن 4106 قىتايلىق ازامات ۇلىبريتانياعا ينۆەستيسيا سالىپ، ەلدە تۇرۋ مۇمكىندىگىنە يە بولدى. ودان كەيىنگى ورىنداردا رەسەي (2 526)، گونكونگ (692)، اقش (685) تۇر. ال قازاقستان (278) بۇل تىزىمدە التىنشى ورىندا.