ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن تۇلعالار جەڭىس كۇنىنە وراي تولەم الدى

بارلىق تولەمدەردى 14 362 ادام الدى

بۇگىن، 6 مامىردا، الماتىدا ۇلى وتان سوعىسىنداعى جەڭىستىڭ 77 جىلدىعىنا وراي قالانىڭ بارلىق ارداگەرلەرى 1 ملن تەڭگە كولەمىندە بىررەتتىك تولەم الدى. بۇگىندە الماتىدا 75 ارداگەر (ۇوس)  تۇرىپ جاتىر، دەپ حابارلايدى Almaty-akshamy.kz.

ۇلى وتان سوعىسىنىڭ ارداگەرلەرىنە تەڭەستىرىلگەن 1592 تۇرعىنعا جانە باسقا مەملەكەتتەر اۋماعىنداعى ۇرىس قيمىلدارىنىڭ 2870 ارداگەرىنە 100 مىڭ تەڭگە مولشەرىندە بىررەتتىك  ماتەريالدىق كومەك  كورسەتىلدى.

جەڭىس كۇنىنە وراي تولەم الۋشىلار تىزىمىنە سوعىس كەزىندە تىلداعى قاجىرلى ەڭبەگى ءۇشىن وردەندەرمەن جانە مەدالدارمەن ماراپاتتالعان 9370 تىل ەڭبەككەرى، سونداي-اق ۇلى وتان سوعىسى ارداگەرلەرىنىڭ 455 جەسىرى كىردى. ولار ءۇشىن بىررەتتىك ماتەريالدىق كومەك مولشەرى 50 مىڭ تەڭگەنى قۇرادى.

جەڭىس كۇنىنە وراي ماتەريالدىق كومەك الماتى قالاسىنىڭ اكىمدىگى بەكىتكەن تىزىمدەر بويىنشا وتىنىشتەر تالاپ ەتىلمەي تولەندى. بارلىق تولەمدەردى 14 362 ادام الدى.

ەسكە سالساق، الماتى اكىمى ەربولات دوسايەۆتىڭ ۇسىنىسى بويىنشا ۇلى وتان سوعىسىنىڭ ارداگەرلەرى ءۇشىن ءبىرجولعى تولەم سوماسى ەكى ەسەگە – 500 مىڭ تەڭگەدەن 1 ملن تەڭگەگە دەيىن ۇلعايتىلدى. وسىدان سوڭ ءماسليحات دەپۋتاتتارى الماتى قالاسى ءماسليحاتىنىڭ كەزەكتەن تىس XVIII سەسسياسىندا قالا باسشىسىنىڭ ۇسىنىسىن قولدادى.