زاڭ جوباسىندا پرەزيدەنتتىككە ەكى مەرزىمنەن ارتىق سايلانۋعا جول بەرمەۋ كوزدەلگەن
"قازاقستان رەسپۋبليكاسىنا وزگەرىستەن مەن تولىقتىرۋلار ەنگىزۋ تۋرالى" زاڭنىڭ ءماتىنى مەملەكەتتىك باق-تا جاريالاندى، دەپ حابارلايدى Almaty-akshamy.kz.
وزگەرىستەر اياسىندا جەر مەن ونىڭ بايلىعىن حالىقتىڭ مەنشىگى ەتىپ جاريالاۋ كوزدەلگەن. الايدا حالىقتىڭ اتىنان جەرگە مەملەكەت يەلىك ەتەدى.
زاڭ جوباسىندا ءولىم جازاسىنا تىيىم سالۋ كوزدەلگەن.
سونىمەن قاتار كونستيتۋسيالىق، جوعارى جانە دە وزگە سۋديالارعا ورتالىق سايلاۋ كوميسسياسىنىڭ مۇشەسى جانە ءتوراعاسى بولۋعا تىيىم سالىنادى. اسكەري قىزمەتكەرلەر، ۇلتتىق قاۋىپسىزدىك قىزمەتىندەگىلەر، قۇقىق قورعاۋ ورگانىندا قىزمەت ەتەتىندەرگە ساياسي پارتيالارعا كىرۋگە، كاسىبي وداقتارعا تىركەلۋگە، ساياسي پارتيانىڭ ۇگىت-ناسيحات جۇمىسىنا قاتىسۋعا تىيىم سالىنادى.
سونىمەن قاتار زاڭ جوباسىندا پرەزيدەنتتىككە ەكى مەرزىمنەن ارتىق سايلانۋعا جول بەرمەۋ كوزدەلگەن.
زاڭنىڭ 34-بابىندا قازاقستان رەسپۋبليكاسىنىڭ پرەزيدەنتىنە دەپۋتات بولۋعا، قۇقىق قورعاۋ ورگاندارىندا جۇمىس ىستەۋگە، وزگە دە اقىلى قىزمەتتەردى يەلەنۋگە، كاسىپكەرلىكپەن اينالىسۋعا، پارتياعا تىركەۋلگە تىيىم سالىنادى. سونىمەن قاتار پرەزيدەنتتىڭ جاقىن تۋىستارىنا ساياسي مەملەكەتتىك قىزمەتتە لاۋازىمدى يەلەنۋگە، كۆازيمەملەكەتتىك سەكتور سۋبەكتىلەرىندە باسقارۋشى قىزمەتىن اتقارۋعا دا تىيىم سالىنادى.
سونداي-اق 91- باپتان قازاقستان رەسپۋبليكاسىنىڭ نەگىزىن قالاۋشى، تۇڭعىش پرەزيدەنت - ەلباسى مەن ونىڭ ستاتۋسىن الىپ تاستاۋ دا قاراستىرىلعان.