الماتى مۇراجايلارىنىڭ ەكسپوناتتارى وڭتۇستىك كورەياداعى كورمەدە كورسەتىلدى
سەۋلدە قازاقستان مەن كورەيا رەسپۋبليكاسى اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا وراي «ۇلى دالانىڭ ءىنجۋ-مارجانى» اتتى حالىقارالىق كورمە اشىلدى.
كورمە جەتىسۋ ءوڭىرىنىڭ تاريحىن، قازاق حالقىنىڭ مۋزىكالىق مادەنيەتىن جانە الماتى قالاسىنىڭ ەرەكشەلىكتەرىن بەينەلەيتىن بىرنەشە نەگىزگى تاقىرىپتىق بولىمدەردەن تۇرادى. كورمەگە كەلۋشىلەرگە الماتى مۋزەيىنىڭ قورىنان ارنايى اكەلىنگەن 130-دان استام ەكسپونات قويىلدى.
ءىس-شارا اياسىندا سەۋل قالاسىنىڭ تاريحي مۋزەيى مەن الماتى مۇراجايى اراسىندا «الماتى قالاسى مۋزەيلەرىنىڭ بىرلەستىگى» كمقك ىنتىماقتاستىق تۋرالى مەموراندۋمعا قول قويىلىپ، 2023 جىلى جاۋاپ كورمەنى وتكىزۋ تۋرالى ۋاعدالاستىققا قولجەتكىزىلدى.
