الماتى مەن استانا اۋاسى ەڭ لاس قالالار تىزىمىنە ەندى

قازاقستانداعى توعىز قالانىڭ اتموسفەرالىق لاستانۋى جوعارى دەڭگەيدە.

"قورشاعان ورتاعا بارىنشا اسەر ەتەتىن ءىرى وندىرىستىك كومپانيالاردىڭ قىزمەتىن ەكولوگيالىق باقىلاۋ" تۋرالى ورتالىق كوممۋنيكاسيالار قىزمەتىندە وتكەن بريفينگتە ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ اۋاسى لاس قالالار ءتىزىمىن جاريا ەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.

"ەكولوگيالىق مونيتورينگ ناتيجەلەرى بويىنشا 45 ونەركاسىپتىك قالا مەن مەگاپوليستا، 9 قالادا اتموسفەرالىق اۋانىڭ لاستانۋى جوعارى دەڭگەيدە. بۇل – استانا، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن جانە شىمكەنت قالالارى. وتكەن جىلى مۇنداي قالالاردىڭ سانى 10 بولعان ەدى. الايدا، وسى جىلدىڭ باسىندا "جوعارى" دەڭگەيدەن "ورتا" دەڭگەيگە وتكەن جەزقازعان قالاسى تىزىمنەن شىعارىلدى"، - دەيدى زۇلفۇحار جولداسوۆ.

ونىڭ ايتۋىنشا، ەلىمىزدىڭ ەكولوگيالىق احۋالىنا ەڭ الدىمەن بيزنەس قاۋىمداستىق اسەر ەتەدى. ويتكەنى قورشاعان ورتاعا كەز كەلگەن ءوندىرىس ءومىر بويى اسەر ەتەدى. سۋ وبەكتىلەرى، توپىراق، اۋا، وسىمدىك جانە جانۋارلار الىمەن تيگىزگەن زيان، كەز كەلگەن كاسىپورىننىڭ ايىپپۇلعا ىلىنۋىنە ىقپال ەتۋى مۇمكىن. دەگەنمەن، ءقازىر كاسىپورىندار جاسىل ەكونوميكاعا بەت بۇرىپ كەلەدى.

"ويتكەنى تابيعاتتى قورعاۋ تاۋەكەلدەرى بيزنەس بەدەلىنە اسەر ەتەدى"، - دەيدى ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ.