بۇل ءتاسىل قاراجاتتى ءبولۋدىڭ اشىقتىعىن قامتاماسىز ەتەدى.
قازاقستاندىق فەرمەلەردىڭ ەلەكتروندىق فورماتتا قىزمەت الۋعا مۇمكىنلىگى ارتىپ كەلەدى. «اوك سۋبسيديالاۋدىڭ ءبىرىڭعاي مەملەكەتتىك اقپاراتتىق جۇيەسىن» تەحنيكالىق پىسىقتاۋ اياقتالۋعا جاقىن. سيفرلىق پلاتفورما قۇرۋ جونىندەگى باستاما ق ر اۋىل شارۋاشىلىعى مينيسترلىگىنە تيەسىلى، دەپ حابارلايدى Almaty-akshamy.kz Baq.kz سىلتەمە جاساپ.
سبماج تولىعىمەن اۆتوماتتاندىرىلعان جانە اوك سۋبسيديالاۋ بويىنشا بارلىق مەملەكەتتىك قىزمەتتەردى ەلەكتروندىق فورماتتا تەگىن كورسەتۋگە مۇمكىندىك بەرەدى. اۆتو ەسەپتەۋلەردىڭ ءمودۋلى ءوتىنىمدى قابىلداۋ كەزەڭىندە دە قولدانىستاعى نورمالارعا سايكەس، ادامنىڭ قاتىسۋىسىز ءتيىستى تولەمدى ەسەپتەۋگە مۇمكىندىك بەرەدى. وتىنىمدەردى بەرۋدىڭ، سۋبسيديالاردى وڭدەۋدىڭ جانە الۋدىڭ ءبىرىڭعاي نۇكتەسى gosagro.kz سايتىندا بولادى.
فەرمەرلەرگە ىڭعايلى بولۋ ءۇشىن سۋبسيديا الۋدىڭ ورىندىلىعىن راستاۋ تۋرالى قوسىمشا انىقتامالار بەرۋ قاجەتتىلىگى الىنىپ تاستالدى، ويتكەنى جۇيە باسقا مەملەكەتتىك ورگاندارمەن ينتەگراسيالاناتىن بولادى. مىسالى، سبماج اۋىل شارۋاشىلىعى مينيسترلىگىنىڭ جەر ۋچاسكەلەرى، اۋىل شارۋاشىلىعى جانۋارلارى، تەحنيكا جونىندەگى دەرەكقورلارىنان قارجى مينيسترلىگىنىڭ ەلەكتروندىق شوت-فاكتۋرالار، كووپەراتيۆ مۇشەلەرى تۋرالى مالىمەتتەرگە، سونداي-اق ادىلەت مينيسترلىگى، سيفرلىق دامۋ مينيسترلىگى مەن ىشكى ىستەر مينيسترلىگىنىڭ دەرەكقورلارىنا قول جەتكىزە الادى. بۇعان قوسا قۇرىلىستا مەملەكەتتىك ساراپتاما جۇرگىزۋ تۋرالى دەرەكتەردى الۋ ءۇشىن «E-جسق» اقپاراتتىق جۇيەسىمەن ينتەگراسيالاۋ جۇمىستارى باستالدى.
سۋبسيديالاۋدىڭ ءبىرىڭعاي اقپاراتتىق جۇيەسى بيۋدجەتتىڭ بولۋىنا قاراماستان وتىنىمگە رەتتىك ءنومىر بەرە وتىرىپ، «كۇتۋ پاراعى» قاعيداتى بويىنشا جۇمىس ىستەيتىن بولادى. بيۋدجەت فەرمەر تاراپىنان قوسىمشا ءىس-قيمىلسىز «كۇتۋ پاراعىندا» وتىنىمدەردىڭ كەزەكتىلىگى بويىنشا عانا بولىنەدى. بۇل ءتاسىل قاراجاتتى ءبولۋدىڭ اشىقتىعىن قامتاماسىز ەتەدى جانە سۋبسيديالاردى تولەۋ كەزىندە ادامي فاكتوردى بولدىرمايدى. «كۇتۋ پاراعىنا» كەلىپ تۇسكەن ءوتىنىم ماقۇلدانعان بولىپ ەسەپتەلەدى جانە تەك ءتيىستى قارجىلاندىرۋدى كۇتەدى.
اياقتالاتىن تەحنيكالىق جۇمىستاردى ەسكەرە وتىرىپ، كورسەتىلەتىن مەملەكەتتىك قىزمەتتىڭ سبماج اقپاراتتىق جۇيەسى ايقىندايتىن بارلىق سۋبسيديالاۋ قاعيدالارىنا ءتيىستى وزگەرىستەر ەنگىزىلدى.
نورماتيۆتىك-قۇقىقتىق اكتىنىڭ جوباسى تىركەۋ ساتىسىندا تۇر. وسىلايشا، نقا تىركەلگەن ساتتەن باستاپ سۋبسيديالاۋ قىزمەتتەرى «اوك سۋبسيديالاۋدىڭ ءبىرىڭعاي مەملەكەتتىك اقپاراتتىق جۇيەسىندە» كورسەتىلەتىن بولادى.
وسىنىڭ بارلىعى مەملەكەتتىك قولداۋ جۇيەسىن فەرمەرلەر ءۇشىن ودان دا قولجەتىمدى جانە ىڭعايلى ەتەدى، سونداي-اق سۋبسيديالار الۋ كەزىندە سىبايلاس جەمقورلىق تاۋەكەلدەرىن تولىعىمەن جويادى.