حالىق – ۇلىق،
توبىر – بىلىق.
***
توبىر كوكجيەكتەن ءارىنى كورمەيدى،
ءبىراق مىنبەنى بەرمەيدى.
***
حالىقتا ءمىن جوق،
توبىردىڭ قۇرامىندا كىم جوق؟!
***
توبىر – قۇيىن،
ءتىل تابىسۋ قيىن.
***
توبىر – دۇركىرەگەن تابىن،
ارناسىن بۇزعان اعىن.
***
توبىردا جول كورسەتكەن كوسەم بولمايدى،
وتتى قاۋزاپ-قاۋزاپ قوياتىن كوسەۋ بولادى.
***
وتانىڭنان قانشا شاقىرىم ۇزاساڭ،
سونشا شاقىرىم رۋحاني جاقىنداي تۇسەسىڭ.
***
تۋعان جەردىڭ تابيعاتى مەن
ءوز تابيعاتىڭ – ءبىر تابيعات.
***
وتاننىڭ سەركەسى – ابىرويلى،
ەركەسى – باقىتتى.
***
توزە بەرگەن ەل توزىپ تىنادى.
***
ەلىن ساتقان – ەز،
جەرىن ساتقان – جۇلىك.
***
قيمايتىن ءبىر قۇدىرەت – ەلىڭ،
قينايتىن ءبىر قۇدىرەت – ءولىم.
***
ۇلتىن سۇيمەگەن ۇل –
رۋحاني قۇل.
***
ءومىر دەگەنىمىز – تۇساۋ،
ءولىم دەگەنىمىز – بارىنەن دە بوساۋ.
***
كەيبىر ومىردەن
كەيبىر ءولىم قىمبات.
***
ىستەگەن جاقسىلىعىڭ
وزىڭنەن كەيىن دە ءومىر سۇرەدى.
***
ەر – ەلىنە،
ەل – جەرىنە تارتادى.
***
ەسىرۋ – ەرلىك ەمەس،
شەگىنۋ – جەڭىلۋ ەمەس!
***
ەلدى سۇيە ءبىلۋ از،
ەل ءۇشىن كۇيە ءبىلۋ دە كەرەك.
***
نامىسسىز حالىق – ىنجىق،
قۇرىپ بىتەدى ءجۇنجىپ.
***
ءار ۇيدەن ءسابيدىڭ ءۇنى شىقپاسا،
ۇلتتان ۇلى شىقپايدى.
***
جارىڭ قايدا بولسا – ەسكى دەرتىڭ،
ەلىڭ قايدا بولسا – ەسىل-دەرتىڭ سوندا.
***
ءۇيدىڭ ىرگەسىن ازامات قالايدى،
كىرپىشىن ايەل قالايدى.
***
بولماسا ۇلتتىڭ كوسەمى،
حالىقتىڭ سورى بەس ەلى.
***
كىشكەنە حالىقتىڭ ۇلىنا
ۇلكەن جۇرەك كەرەك.
***
ءبىر ادامنىڭ دەگەنىنەن شىقپاعان حالىق –
اۋزىن جۇمعان بالىق.
***
حالىق ادەتتە نە جەتپەيتىنىن بىلەدى،
ءبىراق نە ىستەيتىنىن بىلە بەرمەيدى.
***
زامانداستارىنان اسقان ادام بولعان ەمەس.
***
ءداستۇر دەگەنىمىز –
ادەتكە اينالعان ۇلگىلى ارەكەت.
***
ءداستۇر ويلاۋدى ەمەس،
مويىنداۋدى كەرەك ەتەدى.
***
وكىمەتكە كەلگەنشە وپپوزيسيا جاقسى،
كەلگەننەن كەيىن...
***
وپپوزيسيا قالىڭدىق سياقتى،
ونىڭ كىم ەكەنىن
ەرتەڭ ايەل بولعاننان كەيىن بىلەسىڭ.
***
حالىقتى قورعاماساڭ قورعاما،
ءبىراق قورلاما!
***
حالىق كوپ،
ادام جالعىز.
***
توبىر بار جەردە – توپ،
جالعىزدىق بار جەردە – وي بار.
***
كوڭىلدى ورتادا – شاراپ،
جالعىزدىق بار جەردە – شەر مەن مۇڭ.
***
توبىر ەشتەڭە شەشپەيدى،
ءبىراق ەلدىڭ بەرەكەسىن الادى.
***
وتانىن ساتقان زۇلىمدا
ساتىلمايتىن بىردەڭە بار دەپ ويلايسىز با؟!
***
وزۋدى ماقسات ەتكەن ەل
شاڭ جۇتىپ ارتتا جۇرمەيدى.
***
ۇلتتىڭ مىقتى بولۋى
ۇل-قىزدارىنىڭ جاپپاي مىقتى بولۋىنا
بايلانىستى.
***