ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى اسكەري بولىمدەرىندە 2025 جىلعى جاڭا وقۋ كەزەڭى باستالدى.
قولباسشىلىق باسقارماسىنىڭ وفيسەرلەرىمەن، سونداي-اق، الماتىداعى 5571 اسكەري ءبولىمىنىڭ اسكەري قىزمەتشىلەرىمەن جانە ساربازدارمەن العاشقى تاربيەلىك ساباقتى استانادان ارنايى كەلگەن ۇلتتىق ۇلان باس قولباسشىسىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى، حالىق قاھارمانى گەنەرال-مايور قايرات ۇمبەتوۆ جۇرگىزدى.
ساباق بارىسىندا ۇلتتىق ۇلان باس قولباسشىسىنىڭ بيىلعى وقۋ جىلىنا قويعان جاۋىنگەرلىك تاپسىرمالارىن ناقتىلاپ ءوتتى. سونداي-اق، قۇقىقتىق ءتارتىپ اسكەرىندەگى تاربيە جانە اقپاراتتىق-يميدجدىك جۇمىستاردىڭ ماڭىزدىلىعىنا ەرەكشە توقتالىپ ءوتتى.
– قازاقستان رەسپۋبليكاسى ىشكى ىستەر ءمينيسترىنىڭ، ۇلتتىق ۇلان باس قولباسشىسىنىڭ نەگىزگى تالاپتارىنىڭ ءبىرى – زاڭدىلىق پەن ءتارتىپ. ۇلتتىق ۇلان اسكەرىندە قۇقىق بۇزۋشىلىققا جول جوق. ءبارىمىز ەڭ ءبىرىنشى كەزەكتە ساربازداردىڭ دەنساۋلىعى مەن اماندىعىن قامتاماسىز ەتۋىمىز كەرەك. بۇل اسكەر باسشىلىعىنىڭ تالابى، مەملەكت باسشىسى قاسىم-جومارت توقايەۆ ءوزىنىڭ جولداۋىندا وسى ماسەلەگە ەرەكشە نازار اۋداردى، – دەدى قايرات جارىلقاسىن ۇلى.
سونىمەن قاتار، ول ۇلتتىق ۇلان اسكەرىنىڭ ەلىمىزدىڭ وركەندەۋى ءھام تىنىشتىعى جولىنداعى قوسقان ۇلەسىن تىلگە تيەك ەتتى. العاشقى تاربيەلىك ساعاتتان كەيىن ساپتىق الاڭدا ساپ تۇزەگەن ۇلاندىقتار قارۋ-جاراق پەن اسكەري تەحنيكانى، سونداي-اق، اسكەري مۇلىكتەردى دۇرىس قولدانۋ، كەز كەلگەن مىندەتتەردى اتقارۋ كەزىندە قاۋىپسىزدىك ءىس-شارالارىن قاتاڭ ساقتاۋ بويىنشا ساباقتارعا تاراستى.
ساباقتار بارىسىندا جەكە قۇرامعا قىزمەتتىك-جاۋىنگەرلىك ارەكەتتەردىڭ بارلىق باعىتى بويىنشا ارنايى دايىندالعان بەينەروليكتەر كورسەتىلدى.
جاڭا وقۋ جىلىندا قوعامدىق ءتارتىپ پەن قاۋىپسىزدىكتى قامتاماسىز ەتۋ بويىنشا ۇلاندىقتاردىڭ الدىندا كوپتەگەن جاۋاپتى مىندەتتەر تۇرعانى شەگەلەندى.