الماتىنىڭ المالى اۋدانىندا سۋمەن قامتاماسىز ەتۋ ماسەلەسى قالاي شەشىلىپ جاتىر
الماتىنىڭ المالى اۋدانىندا بۇرىن ورتالىقتاندىرىلعان ينجەنەرلىك كوممۋنيكاسيا بولماعان جەكە سەكتوردا سۋمەن جابدىقتاۋ جانە سۋ بۇرۋ جەلىلەرىنىڭ قۇرىلىسى اياقتالدى، دەپ حابارلايدى aqshamnews.kz
ماڭىزدى جوبالاردىڭ ءبىرى – يندۋستريالنايا، سيولكوۆسكيي، ۆولحوۆسكايا جانە ت.ب. 12 كوشەدە سۋ قۇبىرى جەلىلەرىن سالۋ بولدى. بۇگىندە وسى كوشەلەردىڭ تۇرعىندارى ورتالىقتاندىرىلعان سۋمەن جابدىقتاۋ جانە سۋ بۇرۋ جۇيەلەرىمەن قامتاماسىز ەتىلگەن.
سونىمەن قاتار، جوبانى جۇزەگە اسىرۋ اياسىندا ۇزىندىعى 15 كم بولاتىن جاڭا كارىز جەلىلەرى ورناتىلدى، ولار 19 كوشەنى قامتيدى. ونىڭ 6 كوشەسىندە جەكە سەكتوردىڭ قۇرىلىسىنان بەرى ورتالىقتاندىرىلعان كارىز جەلىلەرى بولماعان. 2025 جىلى قالعان 13 كوشەدە جوبانى ىسكە اسىرۋ جالعاسادى. قابىلدانعان شارالاردىڭ ناتيجەسىندە 6،8 مىڭ تۇتىنۋشى ورتالىقتاندىرىلعان ينجەنەرلىك جەلىلەرمەن قامتاماسىز ەتىلەدى.
تولە بي كوشەسى مەن ۆولحوۆسكايا كوشەسىنىڭ قيىلىسىنداعى سۋ قۇبىرى سورعى ستانسياسى دا ويداعىداي جاڭارتىلىپ، كۇردەلى جوندەۋدەن ءوتتى. بۇرىن ستانسيا اپاتتى جاعدايدا بولعان جانە ونىڭ جابدىقتارى 1992 جىلدان بەرى جوندەلمەگەن. رەكونسترۋكسيادان كەيىن 4 كوپقاباتتى ءۇيدىڭ 500-دەن استام تۇرعىنى ۇزدىكسىز سۋمەن قامتاماسىز ەتىلدى.
جالپى، الماتى قالاسىنىڭ اكىمى ەربولات دوسايەۆتىڭ تاپسىرماسىمەن 2024 جىلدىڭ باسىنان بەرى 219 كم جاڭا سۋ قۇبىرى جانە كارىز جەلىلەرى سالىنىپ، 27،3 كم بار جەلىلەر جاڭارتىلدى، بۇل 60 مىڭعى جۋىق ابونەنتتى قامتۋعا مۇمكىندىك بەردى. 2025 جىلى 240 كم سۋ قۇبىرى جەلىسىن سالۋ جانە 48 كم جەلىنى جاڭعىرتۋ جوسپارلانعان.