قارجىلىق مونيتورينگ اگەنتتىگىنىڭ (قما) شىمكەنت قالاسىنداعى دەپارتامەنتى ال-فارابي اۋدانى اكىمى اپپاراتىنىڭ باسشىسى جانە ونىڭ سىبايلاستارىنا قاتىستى ءىستى تەكسەرۋدى اياقتادى. ولار بيۋدجەت قارجىسىن جىمقىردى دەپ ايىپتالعان.
قما باسپا ءسوز قىزمەتىنىڭ حابارلاۋىنشا:
- اكىم اپپاراتىنىڭ باسشىسى قىزمەت بابىن پايدالانىپ، ج ش س ديرەكتورى جانە قۇرىلتايشىسىمەن بىرگە بيۋدجەت قاراجاتىن ىسىراپ ەتۋ جوسپارىن جۇزەگە اسىرعان.
- تۇرعىن ۇيلەردىڭ اۋلالارىن اباتتاندىرۋعا ارنالعان قۇرىلىس ماتەريالدارىنىڭ باعاسىن ادەيى جوعارى كورسەتكەن.
- قۇجاتتارعا قوقىس جاشىكتەرى، شاعىن بەسەدكالار، اتكەنشەكتەر، ويىن جانە ترەناجەر كەشەندەرى سياقتى زاتتاردىڭ قۇنى شامادان تىس كورسەتىلگەن.
- جىمقىرىلعان سوما — 700 ملن تەڭگە.
سونىمەن قاتار، ج ش س ديرەكتورى مەن قۇرىلتايشىسى سالىق تولەۋدەن جالتارىپ، 194 ملن تەڭگە كولەمىندە بەرەشەك جيناعان. بۇل قارىز قازىرگى ۋاقىتتا تولىقتاي وتەلدى.
سوت ءۇش ايىپتالۋشىنى دا سەگىز جىلعا باس بوستاندىعىنان ايىردى. الايدا، ۇكىم ءالى زاڭدى كۇشىنە ەنگەن جوق.