ارداگەرلەرگە كورسەتىلگەن قۇرمەت
قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعى قولباسشىسىنىڭ ورىنباسارى پولكوۆنيك نيازتاي الكەشيەۆتىڭ باسشىلىعىمەن ۇلتتىق ۇلاننىڭ اسكەري قىزمەتشىلەرى مەن ارداگەرلەر كەڭەسىنىڭ وكىلدەرى قارتتار كۇنى مەرەكەسىمەن ۇلتتىق ۇلان ارداگەرلەرىن قۇتتىقتادى.
ۇلتتىق ۇلاننىڭ «وڭتۇستىك» وڭىرلىك قولباسشىلىعىنىڭ ەسەبىندە بۇگىندە 80-گە جۋىق ەگدە جاستاعى ارداگەر بار. وڭىرلىك قولباسشىلىققا قاراستى 10 اسكەري ءبولىم وسى ارداگەرلەردى قامقورلىققا العان. ولار بۇگىن ءار ارداگەردىڭ وتباسىنا ارنايى سالەم بەرە بارىپ، مەرەكەمەن قۇتتىقتاپ، قازاقستان رەسپۋبليكاسى ىشكى ىستەر ءمينيسترىنىڭ ورىنباسارى – ۇلتتىق ۇلان باس قولباسشىسى، گەنەرال-لەيتەنانت رۋسلان جاقسىلىقوۆتىڭ جانە قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنىڭ قولباسشىسى، گەنەرال-مايور تالاپكەر امىرەيەۆتىڭ اتىنان العىس حات پەن سىي-سياپات ۇسىندى.
