ءورت قاۋىپسىزدىگى شارالارىنا ساق بولايىق!
الماتىدا اعاش وڭدەيتىن سەحتاردىڭ بىرىنەن ءورت شىقتى، دەپ حابارلايدى Almaty-akshamy.kz.
قازاقپاراتتىڭ حابالاۋىنشا، الماتى قالالىق توتەنشە جاعدايلار دەپارتامەنتىنىڭ مالىمەتىنە سايكەس، ءورت المالى اۋدانى، رايىمبەك داڭعىلى، 348/3 مەكەنجايىندا ورنالاسقان اعاش سەحىنان شىقتى.
«ءورت سوندىرۋشىلەر 6 مينۋتتا كەلدى. ول كەزدە ءبىر قاباتتى اعاش سەحىنىڭ (بوياۋ ءبولىمى) توبەسى اشىق جالىنمەن جانىپ جاتقانى انىقتالدى. ءورتتىڭ تارالۋى جاپسارلاس ورنالاسقان عيماراتتىڭ توبەسىنە ءقاۋىپ ءتوندىردى. ءورتتى سوندىرۋگە 11 تەحنيكا، جەكە قۇرامنان 30 ادام جۇمىلدىرىلدى. قابىلدانعان شارالاردىڭ ارقاسىندا ءورت 16 مينۋتتا اۋىزدىقتالدى، - دەلىنگەن حابارلامادا.
سونداي-اق جەدەل اتقارىلعان شارالاردىڭ ارقاسىندا ءورت سوندىرۋشىلەر تاۋار-ماتەريالدىق قۇندىلىقتارىن ورتتەن امان الىپ قالعان.