الماتى قالاسى اكىمىنىڭ ورىنباسارى ەرجان باباقۇماروۆ ورتا ءبىلىم بەرۋ مەكەمەلەرى مەن ارنايى مەكتەپ-ينتەرناتتاردىڭ ديرەكتورلارى، سونداي-اق وسى سالامەن اينالىساتىن ۇەۇ وكىلدەرىنىڭ قاتىسۋىمەن ءبىلىم باسقارماسى اكتيۆىنىڭ كەڭەيتىلگەن كەڭەسىن وتكىزدى.
بيىلعى 9 ايداعى جۇمىس قورىتىندىلانىپ، پرەزيدەنتتىڭ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىندا جانە Nur Otan پارتياسىنىڭ سايلاۋالدى باعدارلاماسىن ىسكە اسىرۋ جونىندەگى جول كارتاسىندا بەلگىلەنگەن مىندەتتەردى ىسكە اسىرۋ بارىسى پىسىقتالدى، دەپ حابارلايدى Almaty-akshamy.kz.
بۇگىندە الماتىدا 289 مەكتەپ جۇمىس ىستەيدى. سونىڭ ىشىندە 207 مەملەكەتتىك جانە 82 جەكەمەنشىك. ءبىلىم الۋشىلار كونتينگەنتى وتكەن جىلمەن سالىستىرعاندا 12 مىڭعا ارتىپ، 303 مىڭعا جەتتى. سونىمەن قاتار ءبىر جىلدىڭ ىشىندە جەكەمەنشىك مەكتەپتەر جەلىسى 11 مىڭعا ارتتى. ورىن تاپشىلىعىن ودان ءارى تومەندەتۋ ءۇشىن ءبىلىم بەرۋ نىساندارىن ۇدەمەلى سالۋ باعدارلاماسى شەڭبەرىندە 12 600 ورىندى 8 مەملەكەتتىك مەكتەپ جانە جۇمىس ىستەپ تۇرعان مەكتەپتەرگە 8263 ورىندى 17 جاڭا كورپۋس قۇرىلىسى جۇرگىزىلۋدە. جىل سوڭىنا دەيىن 16 مىڭ ورىندى 31 ءبىلىم بەرۋ نىسانى اشىلادى.
166 مەكتەپتە ەرەكشە ءبىلىم بەرىلۋىنە قاجەتتىلىگى بار بالالار ءۇشىن جاعداي جاسالعان (80%)، 2020 جىلى 157 مەكتەپ، 2019 جىلى 135 مەكتەپ بولدى.
مەكتەپتەردە پاندەميانى ەسكەرە وتىرىپ، وقۋ پروسەسىنىڭ قاۋىپسىزدىگىن قامتاماسىز ەتۋ بويىنشا شارالار قابىلداندى. مەكتەپتەردە 21 مىڭنان استام ءمۇعالىم، 18 مىڭنان استام مەملەكەتتىك مەكتەپ قىزمەتكەرلەرى جۇمىس ىستەيدى. اتالىپ وتكەندەي، مەملەكەتتىك ءبىلىم بەرۋ ۇيىمدارىنىڭ بارلىق قىزمەتكەرلەرى 100% ەكپە الدى.
سونىمەن قاتار، بارلىق مەكتەپتەر Ashyq جوباسىنىڭ قاتىسۋشىلارى بولىپ تابىلادى (QR-مەن كىرۋ باقىلاۋ جۇيەسى ورناتىلعان)، قاجەتتى دەزينفەكسيالىق جانە انتيسەپتيكالىق قۇرالدارمەن قامتاماسىز ەتىلگەن.
دەنە قىزۋى، كۆارستاۋ مەن جەلدەتۋ رەجيمىن ولشەۋ بويىنشا سانيتارلىق-ەپيدەميولوگيالىق تالاپتار ساقتالادى.
سونىمەن قاتار، بارلىق مەكتەپتەردە جۇقتىرۋ ءقاۋپىنىڭ الدىن الۋ بويىنشا اقپاراتتىق جۇمىس جۇرگىزىلەدى جانە وقۋشىلارعا ساقتىق شارالارىن ءتۇسىندىرۋ بويىنشا سىنىپ ساعاتتارى وتكىزىلەدى.
كەڭەستە 8 ارنايى مەكەمە-تۇزەتۋ ينتەرناتتارىنىڭ جۇمىسى قارالدى. ولاردىڭ نەگىزگى ماقساتى – بالانىڭ الەۋمەتتىك بەيىمدەلۋىنە كومەكتەسۋ جانە ونى كەيىننەن قوعامعا بىرىكتىرۋ بولىپ تابىلادى. كوررەكسيالىق قولداۋ دەفەكتولوگتارمەن، لوگوپەدتەرمەن، سۋردوپەداگوگتارمەن، تيفلوپەداگوگتارمەن، پسيحولوگتارمەن جانە الەۋمەتتىك پەداگوگتارمەن كورسەتىلەدى. بارلىق ۇيىمدار ارنايى وقۋ باعدارلامالارىمەن جانە وقۋلىقتارمەن تولىق كولەمدە قامتاماسىز ەتىلگەن، ينتەراكتيۆتى تاقتالارمەن، شەبەرحانالارمەن، سەنسورلىق جانە ويىن كابينەتتەرىمەن جابدىقتالعان. ينتەرناتتاردىڭ ماتەريالدىق-تەحنيكالىق بازاسى نىعايتىلدى: اكىمدىك 1129 نوۋتبۋك جانە 331 پلانشەت ساتىپ الىپ، ينتەرناتتارعا بەردى. ءار بالا ءۇشىن ونىڭ پسيحوفيزيولوگيالىق ەرەكشەلىكتەرىن ەسكەرە وتىرىپ، دامۋ باعدارلاماسى جاسالدى.
وتىرىستا سونداي-اق قيىن ومىرلىك جاعدايعا تاپ بولعان بالالاردىڭ قۇقىعىن قورعاۋ بويىنشا جۇرگىزىلەتىن جۇمىستار قارالدى. جەتىم بالالار مەن اتا-اناسىنىڭ قامقورلىعىنسىز قالعان بالالاردى تاربيەلەۋ جانە وقىتۋ ءۇشىن «جانۇيا» مامانداندىرىلعان كەشەنى، «جاستار ءۇيى» الەۋمەتتىك مەكەمەلەرىنىڭ تۇلەكتەرىن بەيىمدەۋ جانە قولداۋ ورتالىعى، "ومىرلىك قيىن جاعدايدا جۇرگەن بالالاردى قولداۋ ورتالىعى" مم، سونداي-اق دەنساۋلىق ساقتاۋ ۇيىمدارى (بالالار ءۇيى) جۇمىس ىستەيدى.
الماتىدا 29 جاسقا تولماعان، كامەلەتكە تولعانعا دەيىن اتا-اناسىنان ايىرىلعان جەتىم بالالار مەن اتا-اناسىنىڭ قامقورلىعىنسىز قالعان بالالارعا 17 پاتەر بەرىلدى. جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارىنىڭ تۇلەكتەرى اراسىندا 2 جوو-عا وقۋعا قۇجات تاپسىرىپ، 32ء-سى كوللەدجگە ءتۇستى.
كەڭەس بارىسىندا ءبىلىم باسقارماسىنىڭ باسشىسى ل. جىلقىبايەۆا كوپبالالى انالار قوزعالىسىنىڭ بەلسەندىسى يرينا كيم ءسوز سويلەپ، ءبىرقاتار مەكتەپتەر مەن ينتەرناتتاردىڭ ديرەكتورلاردىڭ بايانداماسى تىڭدالدى. سونداي-اق، قالالىق قوعامدىق دەنساۋلىق باسقارماسىنىڭ جانە اۋماقتىق سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىلارى، مەگاپوليستىڭ باس مەملەكەتتىك سانيتارلىق دارىگەرى ج. بەكشين ءسوز سويلەدى.
كۇردەلى ەپيدەميولوگيالىق احۋال اياسىندا مەكتەپتەردە پروفيلاكتيكالىق مەديسينالىق تەكسەرۋ جۇرگىزۋ، سانيتارلىق نورمالاردى قاتاڭ ساقتاۋ، سونداي-اق تۇماۋعا قارسى ۆاكسينالاۋ جانە COVID-19-عا قارسى ەرىكتى ۆاكسينالاۋ ماسەلەلەرىن ءتۇسىندىرۋ ماسەلەلەرى كوتەرىلدى.
قالا اكىمىنىڭ ورىنباسارى ەرجان باباقۇماروۆ جۇمىستى كۇشەيتۋدى قاجەت ەتەتىن باعىتتاردى بەلگىلەدى. بۇل وقۋ پروسەسىن ۇيىمداستىرۋ، مەكتەپتەردە ساپالى تاماقتانۋ جانە جان باسىنا قارجىلاندىرۋ، پەداگوگتاردى ولاردىڭ كاسىبي مىندەتتەرىمەن، پەداگوگتەردىڭ فۋنكسيالارىنا ءتان ەمەس جۇمىس تۇرلەرىنە تارتۋعا جول بەرمەۋ، مەكتەپتەر مەن بالالاردىڭ الەۋمەتتىك مەكەمەلەرىندە سانەپيدەميولوگيالىق رەجيمدە قاۋىپسىزدىكتى قامتاماسىز ەتۋ، ينكليۋزيۆتى وقىتۋدى ۇيىمداستىرۋ جانە جۇمىسىن رەتتەستىرۋ.