اعىمداعى جىلدىڭ 6 قاڭتارىندا ۇلتتىق ۇلانىنىڭ الماتى قالاسىنداعى ب.مومىش ۇلى اتىنداعى 5571 اسكەري ءبولىمىنىڭ جەكە قۇرامى قاڭتار وقيعاسى كەزىندە ەرلىكپەن قازا تاپقان ايبات امانوۆتىڭ اناسى گۇلناز الكەنقىزىمەن كەزدەستءى. ءىس-شاراعا ۇلاندىق ساربازداردان بولەك ايبات امانوۆپەن بىرگە وتان الدىنداعى بورىشىن وتەگەن قارۋلاس دوستارى دا قاتىستى.
جينالعاندار الدىمەن ءبىر مينۋت ۇنسىزدىكپەن قازا تاپقان ساربازدار ايبات امانوۆ پەن ماديار قايساروۆتى ەسكە الدى. سودان كەيىن اناسى گۇلناز الكەنقىزىنا ءسوز بەرىلدى.
- وسىنداي شارانى ۇيىمداستىرىپ وتىرعان ۇلتتىق ۇلان باسشىلىعىنا، 5571 اسكەري ءبولىمنىڭ باسشىلىق قۇرامىنا العىس ايتامىن. ۇلىم قىزمەت اتقارعان تالدىقورعان قالاسىنا ارنايى بارعان ەدىم. الماتىداعى 5571 اسكەري ءبولىمى – ۇلىمدى وسىندا العاش قارسى العان اسكەري ءبولىم. اسكەردەگى ءار سارباز مەن ءۇشىن ۇلىمداي بولىپ كەتكەن، ءارقايسىسى مەن ءۇشىن قىمبات. سىزدەردىڭ كوزدەرىڭىزگە قاراپ، دۇنيەدەن وتكەن ۇلىمدى كورگەندەي بولامىن. قايعىلى وقيعالار قايتالانباسىن، ءار سارباز ءۇيىنە امان-ەسەن ورالسىن. ەل امان، جۇرت تىنىش بولسىن، - دەدى باتىر ايباتتىڭ اناسى.
سونداي-اق، ءسوز سويلەۋ ءۇشىن مىنبەرگە ايبات امانوۆتىڭ قىزمەتتەس دوسى ەرجان شاقىرىلدى.
- ايبات وتە جاقسى جىگىت ەدى. ونىمەن ءبىر روتادا قىزمەت ەتكەنىمدى ماقتان تۇتامىن. بىردە ماعان ول "اسكەردە ءبىر جىل بولاسىڭ. ۋايىمداماي ءوز ورنىڭدى تاپ. سوندا اسكەر قىزىقتى وتەدى"،-دەگەن بولاتىن. ءبىر تۇسىنگەنىم، ءبىز بارلىعىمىز ءبىر جاۋىنگەرلىك جانۇيامىز، قيىندىق تۇسكەندە بىر-بىرىمىزدەن جاقىن ادام بولمايدى. سوندىقتان جىگىتتەر بىرلىك كەرەك. ەشتەڭەگە الاڭداماي قىزمەتتەرىڭدى ادال اتقارىندار، - دەدى ول.
شارا سوڭىندا ايبات امانوۆ تۋرالى دەرەكتى فيلم كورسەتىلدى.
- باتىردىڭ اناسى، بارشا وتانىمىزدىڭ اناسى. ءبىز اسكەري ءبولىم باسشىلىعى اتىنان ءسىزدىڭ الدىڭىزدا باس يەمىز، ءبىزدىڭ اسكەري ءبولىمنىڭ ەسىگى سىزدەر ءۇشىن ءاردايىم اشىق، - دەءدى 5571 اسكەري ءبولىمى كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پودپولكوۆنيك ۇلىقبەك قارايەۆ.
ءىس-شارا سوڭىندا اسكەري ءبولىمنىڭ باسشىلىعى كەلگەن قوناقتارعا ەستەلىك سىيلىقتار تابىستاپ، العىسىن ءبىلدىردى.