ولار Nike كومپانياسىنان باس تارتتى
پورتۋگاليا فۋتبول قۇراماسى جاڭا سپورتتىق كيىم ۇلگىسىن تانىستىردى. بۇعان دەيىن 27 جىل بويى قۇرامانىڭ كيىمدەرىن ازىرلەپ كەلگەن امەريكاندىق Nike كومپانياسىنان باس تارتىپ، ەندى Puma كومپانياسى وسى جاۋاپكەرشىلىكتى ءوز قولىنا الدى، دەپ حابارلايدى aqshamnews.kz
پورتۋگاليا فۋتبول فەدەراسياسى Nike-قا ارنايى ۆيدەو جاساپ، ۇزاق جىلدار بويى ىنتىماقتاستىق ءۇشىن العىستارىن ءبىلدىردى.
جاڭا دەمەۋشى بولىپ كەلگەن نەمىس كومپانياسى ءۇشىن ارنايى روليك ءتۇسىرىلدى، وندا تانىمال فۋتبولشى كريشتيانۋ رونالدۋ مەن ايەلدەر قۇراماسىنىڭ ويىنشىلارى دا قاتىستى.