بۇدان بۇرىن ول وقۋشىنىڭ جەلىدە جۇلدىز بولعانىن جازعانبىز.
ول تەستىلەۋدە 5 مينۋت وتىرىپ، شىعىپ كەتكەن، دەپ حابارلايدى Almaty-akshamy.kz
ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆا ۇبت-دا مۇنداي ناتيجەنىڭ تىركەلگەنىن راستادى.
"ءبىز بۇل بالانىڭ ول ناتيجەگە دەيىن دە ۇبت تاپسىرىپ، 90 بالدان جوعارى ناتيجە كورسەتكەنىن حابارلاعان ەدىك. ءبىر ۇپاي جيناعان ۇبت-دا وقۋشى نەبارى بەس مينۋت وتىرىپ، شىعىپ كەتكەن. سايكەسىنشە وسىنداي ناتيجە بولدى. بۇل تۋرالى وقۋشى ءوزىنىڭ الەۋمەتتىك جەلىدەگى پاراقشالارىندا جازدى"،-دەدى ورتالىق وكىلى.
بۇل رەتتە ورتالىق وكىلى بۇل ناتيجەنىڭ قازاقستان بويىنشا جالعىز جاعداي ەكەنىن اتاپ ءوتتى.
"ءبىر ۇپاي جيناعان ءبىر عانا تۇلەك بار، ودان باسقا مۇنداي تومەن ناتيجە جوق"،-دەدى ناۋجان ديداربەكوۆا.