TikTok-та жұлдызға айналып шыға келді.
Ерасыл Уалиев есімді оқушы өзінің Ұлттық бірыңғай тестілеуден 1 балл алғанын жариялады, деп хабарлайды Almaty-akshamy.kz
Ол өзінің 1 балл алғаны жұртты таңғалдырғанын, шуға айналғанын айтты және жеке парақшасында өз пікірін де білдірді.
ҰБТ-дан алған балл өмірдегі шешуші нәрсе емес деген ойдағы түлек өз сөзінде Дональд Трамп, Билл Гейтс, Стив Джобстарды мысалға келтірді.
«Сол үшін сіздер еш уайымдамаңыздар. Мен ҰБТ-дан балл жинамасам да тұрақтылық пен тәртіп арқылы биік белеске жететінімді көрсетемін», деді ол.
Желідегі видеода оқушы Ерасыл өзінің 1 балл алғанына пікір айтушыларды үш топқа бөлген.
Бірінші топ оны өзінің айтуынша “тупойсың” десе, екінші топ “не деген ақылдысың” деген, ал ендігі бір топ “бір ғана сұраққа жауап бергенсің ғой” депті.
1 балмен антирекорд жасаған оқушы өзінің осы кезге дейін көп кітап, курс оқып жинаған білімімен бөлісетінін айтты.