زۋلفيا بايساقوۆا، الماتى قالاسى قوعامدىق كەڭەسىنىڭ مۇشەسى، “داعدارىس ورتالىقتارىنىڭ وداعى” زتب ءتوراعاسى:
— ۇلتتىق قۇرىلتاي — قوعامداعى وزەكتى ماسەلەلەر مەن پرەزيدەنت اراسىن جالعايتىن كوپىر دەسەم قاتەلەسپەيمىن. مەن مۇنى سول قۇرىلتاي مىنبەرىندە مەملەكەتتىك-الەۋمەتتىك تاپسىرىس كريتەرييلەرىن قايتا قاراۋ جانە زاڭنامانى جەتىلدىرۋ قاجەتتىلىگى تۋرالى ءوز پىكىرىمدى بىلدىرگەن كەزدە انىق سەزىندىم. سەكسيا وتىرىسىندا قيىن جاعدايدان شىعۋ جولدارىن ۇسىندىم. مەنىڭ ۇسىنىستارىم نازاردان تىس قالمادى: ولار پرەزيدەنتتىڭ مەملەكەتتىك قۇرىلىمدارعا بەرگەن تاپسىرمالارىندا جالعاسىن تاپتى.
“ازاماتتىق سەكتور رەفورمالاردى جۇرگىزۋ جانە قوعامدى دامىتۋ ىسىندە ماڭىزدى ءرول اتقارادى. مەملەكەت پەن ۇەۇ سەرىكتەستىگى وزەكتى ماسەلەلەردى شەشۋگە، جاسامپاز قۇندىلىقتاردى دارىپتەۋگە، ۇلتتىڭ جاڭا ساپاسىن قالىپتاستىرۋعا ىقپال ەتەدى. سوندىقتان مەملەكەتتىك الەۋمەتتىك تاپسىرىستىڭ تيىمدىلىگىن ارتتىرۋ ءۇشىن قازىرگى زاماننىڭ تالاپتارىنا ساي كەلەتىن جەكە زاڭ كەرەك. ارينە، زاڭ جوباسى تەرەڭ جانە جان-جاقتى ساراپتامادان وتۋگە ءتيىس. قۇزىرلى ورگاندار ساراپشىلار مەن قوعامدىق ۇيىمداردى تارتا وتىرىپ، بۇل ماسەلەمەن اينالىسۋى كەرەك”، — دەدى مەملەكەت باسشىسى.
دەمەك، ۇلتتىق قۇرىلتاي شىن مانىندە ازاماتتاردىڭ باستامالارى قارالاتىن جانە قاجەت بولعان جاعدايدا نقا وزگەرىستەرى، باعدارلامالاردى ازىرلەۋ جانە باسقا دا تەتىكتەر ارقىلى ىسكە اسىرىلاتىن پارمەندى قۇرال بولىپ تابىلاتىنىن راستايدى.