مەملەكەت باسشىسى قاسىم-جومارت توقايەۆ بۋرابايدا وتكەن كەشەگى ۇلتتىق قۇرىلتايدا كينو بولسىن، مۋلتفيلم بولسىن، ەكەۋى دە ناعىز يدەولوگيالىق قۇرال ەكەنىن اتاپ ءوتتى.
ءبىراق الدىمەن سانعا ەمەس، ساپاعا كوڭىل اۋدارۋ كەرەكتىگىن باسا ايتتى. سەبەبى، زورلىق-زومبىلىقتى، قاتىگەزدىك پەن قىلمىستى ناسيحاتتايتىن فيلمدەر پايدا بولدى دەدى پرەزيدەنت. سوندىقتان وسى باعىتتا جۇرگەن ارىپتەستەرگە جاۋاپكەرشىلىك جۇگى ارتىلىپ تۇرعانى انىق.
مەملەكەت باسشىسى قازاقشا، ۇلتتىق ناقىشتا تۇسىرىلگەن مۋلتفيلمدەر كوپ بولۋى قاجەت دەدى سوسىن. سونداي-اق انيماسيانى دامىتۋ ماسەلەسىن قولعا الۋ كەرەك ەكەنىن تىلگە تيەك ەتتى. ءبىز، قىزىم - جاس رەجيسسەر-انيماتور مارجان جۇبانىش ەكەۋمىز بىرنەشە جىلدان بەرى ۇلتتىق انيماسيانىڭ كوسەگەسى كوگەرسە ەكەن دەپ تىنباي ەڭبەك ەتىپ كەلەمىز.
ەندى مەملەكەتتىك دەڭگەيدە كوڭىل بولىنەتىن بولسا، بۇل جاڭالىق بىزگە ەكى ەسە شابىت سىيلايتىنى انىق. بۇعان دەيىن “ءباس”، “شاڭىراقتىڭ يەسىن ىزدەپ ءجۇرمىن”، “بالالى ءۇي - بازار”، “ساۋعا”، “قوشاقان” اتتى مۋلتفيلمدەرىمىزدى كىشكەنتاي كورەرمەندەر جىلى قابىلداعان-دى.
پرەزيدەنت ايتقان ۇلت بولاشاعىنا تىكەلەي ىقپال ەتەتىن بالالار كونتەنتىن كوبەيتۋ جولىنداعى جۇمىسىمىز ودان ءارى كۇش الاتىن شىعار ەندى دەپ كوڭىلىمىز اسپانداپ قالدى.
ءۇمىت جۇبانىش، سۋرەتشى-بەزەندىرۋشى، قازاقستان سۋرەتشىلەر وداعى مەن كينەماتوگرافيستەر وداعىنىڭ مۇشەسى