قازاقتىڭ رۋحاني استاناسى سانالاتىن تۇركىستاندا وتكەن ۇلتتىق قۇرىلتايدا كوتەرىلگەن ماسەلە توڭىرەگىندە ءوز ويىن ءبىلۋ ماقساتىمەن Almaty-akshamy.kz ءتىلشىسى ق ر ەڭبەك سىڭىرگەن قايتاركەرى. قۇرىلتاي مۇشەسى، جازۋشى ساۋلە دوسجانعا حابارلاسىپ، ءوز ويىن بىلگەن ەدى.
پرەزيدەنت جانىنان قۇرىلعان ۇلتتىق قۇرىلتايدىڭ مۇشەسى رەتىندە تۇركىستاندا وتكەن ەكىنشى وتىرىسقا قاتىستىم.
مەملەكەت باسشىسىنىڭ ايتقانىنداي «ۇلتتىق قۇرىلتاي بۇل – ارقانى كەڭگە سالىپ وتىراتىن جيىن ەمەس. سان-سالتاناتپەن وتكىزەتىن توي دا ەمەس. بابالارىمىز ماڭىزدى شەشىم قابىلدار كەزدە نەمەسە ەلگە قاتەر تونگەن سىن ساعاتتا قۇرىلتاي شاقىرعان».
القالى جيىننىڭ العاشقى كۇنىندە قوعام قايراتكەرلەرى مەن پارلامەنت دەپۋتاتتارى، وڭىرلىك قوعامدىق كەڭەستەر مۇشەلەرى، ساراپشىلار ءۇش سەكسياعا بولىنگەن جۇمىس توبىندا وزىندىك ۇسىنىستارىن ايتىپ، قوعامداعى وزەكتى ماسەلەلەردى تالقىلاپ، شەشۋ جولدارىن ۇسىندى.
قۇرىلتايدىڭ ەكىنشى كۇنىندە ق ر پرەزيدەنتى ق.ك توقايەۆ «ادىلەتتى قازاقستان – ادال ازامات» دەگەن تاقىرىپتى بايانداما جاسادى. ءبىزدىڭ قۇرىپ جاتقان مەملەكەتىمىزدىڭ الەمدەگى ورنى مەن «قازاقستان ازاماتى» دەگەن كوك ءتولقۇجاتى بار ادامنىڭ ساپاسى قانداي بولۋى كەرەك، قازاق دەگەن ۇلتتىڭ ارمانى قانداي؟ ەل بولۋ ءۇشىن پيعىلىمىزدى قالاي وزگەرۋىمىز كەرەك دەگەن ماسەلەلەرگە ءوز ويىن ايتىپ، پىكىرىن اشىق ءبىلدىردى.
«ءبىز مادەني مۇرامىزدى جان-جاقتى دارىپتەۋىمىز قاجەت» اتتى ءۇشىنشى بولىمدە. پرەزيدەنتىڭ ايتۋىنشا، ەلىمىزدى جاڭعىرتۋ ءۇشىن «جۇمساق كۇشتىڭ» مۇمكىندىكتەرىن ءتيىمدى پايدالانعان ءجون. ءتول تاريحىمىزدا ەرەكشە ورنى بار تۇلعالاردىڭ ءبىرىڭعاي ءتىزىمىن ازىرلەۋ قاجەت. بۇل ءتىزىم ەلىمىزدىڭ ىشىندە جانە شەتەلدە جالپىۇلتتىق بىرەگەيلىگىمىزدى ايشىقتايتىن باستى ۇستىنعا اينالماق»،- دەدى.
سىرتقى ىستەر مينيسترلىگى جانىنداعى «كazAID» حالىقارالىق دامۋ اگەنتتىگى وسى جۇمىسقا ۇيىتقى بولۋدى تاپسىردى.
سونىمەن قاتار مەملەكەت باسشىسى قوجاحمەت ياسساۋي كەسەنەسىنىڭ ماڭىزىنا توقتالىپ: «مىسالى، ءوزىمىز ىرگەسىندە وتىرعان قوجا احمەت ياسساۋي كەسەنەسى باي تاريحىمىزدىڭ سيمۆولى سانالادى. ونىڭ ۇلت رۋحانياتىنداعى ورنى ەرەكشە ەكەنىن بىلەسىزدەر»،- دەپ نازار اۋدارتىپ، وسى كەسەنەگە ۇلتتىق مادەني-تاريحي ەسكەرتكىش مارتەبەسىن بەرۋ تۋرالى ۇسىنىستى قولدايتىنىن ءبىلدىردى.
وزگە ەلدەر قازاقتاردى كوشپەندىلەردىڭ ۇرپاعى رەتىندە بىلەدى. بۇل دا – حالقىمىزدىڭ باستى برەندىنىڭ ءبىرى. كەلەسى جىلى پرەزيدەنتىمىز قاسىم-جومارت توقايەۆتىڭ شاقىرۋىممەن قازاقستاندا V دۇنيەجۇزىلىك كوشپەندىلەر ويىندارى وتەدى. بۇل قادام ۇلتتىق سپورتتى دامىتا تۇسۋگە زور مۇمكىندىك بەرەدى دەپ بولجاپ وتىر.
جىل سايىن ۇيىمداستىرىلاتىن فەستيۆال، وليمپيادا، سايىس، بايقاۋ ت.ب. شارالاردىڭ بارلىعى، تۇپتەپ كەلگەندە، قوعام مۇشەلەرىنىڭ بەتىن بەرى قاراتۋ ءۇشىن «جۇمساق كۇشتىڭ» قىزمەتىن اتقارىپ وتىر.
حالىقارالىق قاتىناس عىلىمىنا «جۇمساق كۇش قولدانۋ» ساياساتى دەگەن تەرميندى ەڭ العاش 1990 جىلى امەريكاندىق ساياساتتانۋشى، گارۆارد ۋنيۆەرسيتەتىنىڭ پروفەسسورى دج. ناي ەنگىزگەن. ونىڭ تۇسىندىرۋىنشە مۇندا ءبىر ەل ەكىنشى ەلگە اسكەري-تەحنيكالىق كۇش-قارۋ قولدانۋ ەمەس، كەرىسىنشە بەيبىت سيپاتتاعى ەكونوميكا، ساۋدا-ساتتىق، مادەنيەت پەن ونەر، يدەولوگيا، گۋمانيتارلىق كومەكتەر ارقىلى ىقپال ەتىپ، وزىنە قاراتىپ الادى)، دەپ ءوز ويىن ءبىلدىردى جازۋشى ساۋلە دوسجان.