بۇگىن قاتتى ىسىپ، جاۋىن جاۋۋى ىقتيمال - سينوپتيكتەر
اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە اۋا رايى تۇراقسىز بولادى، نايزاعاي ويناپ، جاڭبىر جاۋادى، دەپ حابارلايدى قازاقپارات.
«قازگيدرومەت» رمك حابارلاۋىنشا، تەك رەسپۋبليكانىڭ باتىسىندا، وڭتۇستىگىندە، سولتۇستىك-شىعىسىندا جاۋىن-شاشىنسىز اۋا رايى كۇتىلەدى. جەل كۇشەيەدى، وڭتۇستىكتە شاڭدى داۋىل سوعادى. سولتۇستىكتە تۇندە جانە تاڭەرتەڭ تۇمان ءتۇسۋى مۇمكىن.
الماتى، جامبىل، تۇركىستان، قىزىلوردا، اقتوبە، جەتىسۋ، ۇلىتاۋ وبلىستارىندا، قوستاناي، قاراعاندى، شىعىس قازاقستان، ماڭعىستاۋ وبلىستارىنىڭ وڭتۇستىگىندە، اباي وبلىسىندا كۇندىز 35-42 گرادۋسقا دەيىن قاتتى ىستىق بولادى دەپ بولجانىپ وتىر.
اقتوبە وبلىسىنىڭ وڭتۇستىگىندە كۇندىز 40°س قاتتى ىستىق ساقتالادى.
سولتۇستىك قازاقستان وبلىسىندا، باتىستا، سولتۇستىك-باتىستا، باتىس قازاقستان وبلىسىنىڭ ورتالىعىندا ءورت ءقاۋپى جوعارى.
ماڭعىستاۋ، تۇركىستان، الماتى، جامبىل، شىعىس قازاقستان، قاراعاندى، اقتوبە، قىزىلوردا وبلىستارىندا، ۇلىتاۋ، جەتىسۋ، اباي وبلىستارىندا، قوستانايدىڭ وڭتۇستىگىندە، اتىراۋدىڭ باتىسىندا، پاۆلودار وبلىسىنىڭ وڭتۇستىگىندە، شىعىسىندا، اقمولا وبلىسىنىڭ وڭتۇستىگىندە، باتىسىندا توتەنشە ءورت ءقاۋپى بار.