اباي وبلىسىنداعى ورتتەن ءبارىمىز ساباق الۋىمىز كەرەك.
بۇل تۋرالى پرەزيدەنت قاسىم-جومارت توقايەۆ تۇركىستاندا ءوتىپ جاتقان ۇلتتىق قۇرىلتايدىڭ نەگىزگى وتىرىسىندا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءسوز باسىندا بىردەن اتاپ وتەيىن، مەنىڭشە، ۇلتتىق قۇرىلتاي بۇل – ارقانى كەڭگە سالىپ وتىراتىن جيىن ەمەس. سان-سالتاناتپەن وتكىزەتىن توي دا ەمەس. بابالارىمىز ماڭىزدى شەشىم قابىلدار كەزدە نەمەسە ەلگە قاتەر تونگەن سىن ساعاتتا قۇرىلتاي شاقىرعان. بۇگىنگى قۇرىلتايدىڭ وتىرىسى ەلىمىزدەگى قايعىلى وقيعادان كەيىن ءوتىپ جاتىر»، - دەدى مەملەكەت باسشىسى.
پرەزيدەنت اباي وبلىسىنداعى ورمان ورتىنەن ساباق الۋ كەرەكتىگىنە توقتالدى.
«اباي وبلىسىندا الاپات ءورت شىعىپ، ازاماتتارىمىز قازا تاپتى. تاعى دا قايتالاپ ايتقىم كەلەدى: ءبىز مۇنداي وقيعادان ساباق الۋىمىز كەرەك، ناقتى شەشىمدەر قابىلداۋىمىز قاجەت. ەل باسىنا تۇسكەن قيىندىقتار، ەڭ الدىمەن، ءبىزدىڭ بەرەكە-بىرلىگىمىزدى سىنعا سالادى. وسىنداي كۇردەلى ساتتەر، ەڭ باستىسى – شىنايى جاناشىرلىق جانە تەرەڭ جاۋاپكەرشىلىك تانىتۋ قاجەت ەكەنىن ايقىن كورسەتەدى. مۇنى وزدەرىڭىز وتە جاقسى ءتۇسىنىپ وتىرسىزدار»، - دەدى قاسىم-جومارت توقايەۆ.