بۇگىن ۇلتتىق قۇرىلتايعا 3 جىل تولدى. بۇعان وراي ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتى دەكانى قانات اۋەسباي تالداۋ جاسادى، - دەپ حابارلايدى اqshamnews.kz ءتىلشىسى.
قانات اۋەسبايدىڭ ايتۋىنشا، 3 جىلدا ۇلتتىق قۇرىلتاي قوعامدىق ينستيتۋت رەتىندە تيىمدىلىگىن كورسەتتى.
"حالىق ۇنىنە قۇلاق اساتىن مەملەكەت" اياسىندا قۇرىلعانى كەشە عانا سياقتى ەدى. 3 جىلدا كوپ شارۋانىڭ باسى قايىرىلىپتى. مويىنداۋ ءلازىم، ۇلتتىق قۇرىلتاي قوعامدىق ينستيتۋت رەتىندە تيىمدىلىگىن كورسەتتى. كورسەتىپ تە كەلەدى. قۇرىلتاي اياسىندا "قانداي ىستەر اتقارىلدى؟" دەگەن ومىرشەڭ سۇراققا قىسقا قايىرىپ، ناقتى ايتسام:
- ۇلتتىق قۇرىلتاي بيلىك پەن حالىق اراسىنداعى ءتيىمى زور شىنايى ديالوگ الاڭىنا اينالدى. قوعامنىڭ ءتۇرلى توپتارىن، ساياسي پارتيالار، ۇكىمەتتىك ەمەس ۇيىمدار، بيزنەس-قاۋىمداستىقتار جانە ساراپشىلار قوعامداستىعى وكىلدەرىن بىرىكتىردى.
- ساياسي رەفورمالارعا ىقپال ەتتى. راسىن ايتۋ كەرەك، ۇلتتىق قۇرىلتاي ەلىمىزدەگى اۋقىمدى ساياسي رەفورمالاردى ىسكە اسىرۋعا بەلسەندى اتسالىستى. ناقتى ايتقاندا، جالپىحالىقتىق رەفەرەندۋم ارقىلى اتا زاڭىمىزعا وزگەرىس ەندى. پارلامەنتتىڭ قۇزىرەتى كەڭەيدى، ۇكىمەت جاۋاپكەرشىلىگى ارتتى. ادام قۇقىقتارىن قورعاۋ جۇيەسى جاقسارىپ، كونستيتۋسيالىق سوت قۇرىلدى.
- جەرگىلىكتى بيلىكتى جاڭعىردى. ۇلتتىق قۇرىلتاي قولداۋىمەن جەرگىلىكتى بيلىك تارماعى دا ماڭىزدى وزگەرىستى باستان وتكەردى. سوڭعى ءۇش جىلدا اۋىل اكىمدەرىنىڭ 72 پايىزى جاڭاردى. ونىڭ ۇشتەن ءبىرى بۇرىن مەملەكەتتىك قىزمەتتە بولماعان ازاماتتار ەكەن. پيلوتتىق جوبا رەتىندە 45 اۋدان جانە وبلىستىق ماڭىزى بار قالا اكىمدەرى سايلاندى. بيىل بارلىق اۋدان اكىمىن حالىق تىكەلەي سايلايتىن بولدى"، - دەدى ول.
سونداي-اق، قانات اۋەسباي زاڭنامالىق باستامالارعا توقتالدى. ۇلتتىق قۇرىلتايدا كوتەرىلگەن باستامالار اياسىندا 16 زاڭ قابىلدانىپتى.
ولار:
- "رەسپۋبليكا كۇنى" ۇلتتىق مەرەكە مارتەبەسىنە يە بولدى.
- "تۇركىستان قالاسىنىڭ ەرەكشە مارتەبەسى تۋرالى" زاڭ قابىلداندى.
- "مەملەكەتتىك جاستار ساياساتى تۋرالى" زاڭعا تۇزەتۋلەر ەنگىزىلدى.
- جۇمىسشى ماماندىقتارىنىڭ مارتەبەسىن كوتەرۋ ءۇشىن 9 قۇرمەتتى اتاق بويىنشا تۇزەتۋ ەنگىزىلدى.
- تۇرمىستاعى زورلىق-زومبىلىق قىلمىس رەتىندە تانىلدى، پەدوفيلدەرگە قاتىستى جازا قاتايتىلدى.
- "ميتينگىلەر تۋرالى دەموكراتيالىق زاڭ" قابىلداندى.
- پارتيالىق سايلاۋ تىزىمىنە ايەلدەر مەن جاستار ءۇشىن 30% كۆوتا ەنگىزىلدى.
"قۇرىلتاي قوعامدى بىرىكتىرۋ جانە جالپىۇلتتىق قۇندىلىقتى دامىتۋعا باسىمدىق بەردى. "بالالار كىتاپحاناسى" جوباسى ىسكە استى، كىتاپ وقۋ مادەنيەتىن قالىپتاستىرۋعا ءمان بەرىلدى. 3 جىلدا 1300 ءبىلىم ورداسىن جاڭعىرتۋ، ونىڭ ىشىندە 900 اۋىلدىق مەكتەپتى جاڭعىرتۋ جوسپارلانىپ وتىر. "اۋىلدا دەنساۋلىق ساقتاۋدى جاڭعىرتۋ" ۇلتتىق جوباسى اياسىندا 188 مەديسينالىق نىسان سالىنىپ جاتىر ەكەن"، - دەيدى ول.
قوعامدىق قاۋىپسىزدىك جانە ءتارتىپ: ۇلتتىق قۇرىلتاي قۇقىق قورعاۋ جانە زاڭدىلىقتى نىعايتۋ باعىتىندا دا جۇمىس ءجۇردى. تۇرمىستاعى زورلىق-زومبىلىققا قارسى كۇرەس، بالالار مەن ايەلدەردىڭ قۇقىقتارىن قورعاۋ ماسەلەسى كەڭ اۋقىمدا تالقىلاندى. ناشاقورلىققا جانە ەسىرتكى بيزنەسىنە قارسى كۇرەستىڭ 2023-2025 جىلدارعا ارنالعان كەشەندى جوسپارى بەكىدى. جاستار ساناسىن ۋالاعان ۆەيپتى ەلگە اكەلۋگە، وندىرۋگە، ساتۋعا جانە تاراتۋعا تىيىم سالۋ تۋرالى زاڭ قابىلداندى.
"توقەتەرىن ايتقاندا، ۇلتتىق قۇرىلتاي – قازاقستان قوعامىن ورتاق ماقساتقا جۇمىلدىرىپ، جالپىحالىقتىق جاڭعىرۋدىڭ سيمۆولىنا اينالعانى راس. قالاي بولعاندا دا شىعار كۇندەي شىندىق وسى"، - دەدى قانات اۋەسباي.
قانات اۋەسباي