قاراعاندىدا بالالار اۋرۋحاناسىنىڭ دارىگەرلەرىنە كورسەتىلگەن وزبىرلىق ەڭبەك قاۋىپسىزدىگىن قامتاماسىز ەتۋ ماسەلەسىن وزەكتى ەتىپ وتىر.
اق حالاتتىلارعا ناۋقاستىڭ تۋىسى جۇدىرىق جۇمساپ، بىرنەشە قىزمەتكەردىڭ دەنساۋلىعىنا اۋىر زاقىم كەلتىرگەن، دەپ حابارلايدى aqshamnews.kz 24.kz-كە سىلتەمە جاساپ.
جابىرلەنگەن دارىگەرلەردىڭ ءبىرىنىڭ ميى شايقالىپ، ەكىنشىسىنىڭ مۇرىن سۇيەگى سىنعان. ءقازىر زارداپ شەككەندەر وبلىستىق اۋرۋحانانىڭ نەيروحيرۋرگيا بولىمىندە ەم قابىلداپ جاتىر.
وقيعا ورنىنا بارعان دەنساۋلىق ساقتاۋ ءمينيسترى بۇل جاعدايدى: «جاي بۇزاقىلىق ەمەس، مەديسينا قىزمەتكەرلەرىنە قارسى جاسالعان اۋىر قىلمىس»، - دەپ باعالادى.