2025 جىلى ۇلتتىق قوردان ءۇش تريلليوننان استام تەڭگە الىنادى
قازاقستاننىڭ ۇلتتىق ەكونوميكا ءمينيسترى تيمۋر بايبازاروۆ 2025–2029 جىلدارعا ارنالعان ەلدىڭ الەۋمەتتىك-ەكونوميكالىق دامۋ بولجامىن جانە 2025–2027 جىلدارعا ارنالعان "قازاقستان رەسپۋبليكاسىنىڭ ۇلتتىق قورىنان كەپىلدەندىرىلگەن ترانسفەرت تۋرالى" زاڭ جوباسىن تانىستىردى، دەپ حابارلايدى aqshamnews.kz
بولجام بويىنشا، رەسپۋبليكالىق بيۋدجەتتىڭ كىرىستەرى 2025 جىلى 15،6 ترلن تەڭگەنى نەمەسە ءجىو-نىڭ 10،4%-ىن قۇرايدى، 2026 جىلى — 16،7 ترلن تەڭگە (ءجىو-نىڭ 9،9%-ى)، 2027 جىلى — 18،2 ترلن تەڭگە (ءجىو-نىڭ 9،6%-ى) دەڭگەيىندە بولجانۋدا.
«2025 جىلى كولەمى 3250 ملرد تەڭگەنى قۇرايتىن ماقساتتى ترانسفەرت الەۋمەتتىك ماڭىزى بار جانە ستراتەگيالىق ماڭىزدى ينفراقۇرىلىمدىق جوبالاردى قارجىلاندىرۋعا، سونداي-اق وڭىرلىك ءوسىمدى قولداۋعا باعىتتالادى»، — دەدى بايبازاروۆ.