وليمپيادا چەمپيونى ەلدوس سمەتوۆكە الماتىدان پاتەر سىيعا تارتىلدى
قازاقستاندىق دزيۋدوشى ەلدوس سمەتوۆكە الماتى قالاسىنداعى «كومفورت سيتي» تۇرعىن ءۇي كەشەنىنەن پاتەر سىيعا تارتىلدى. بۇل سىيلىق قازاقستاننىڭ ەڭ مىقتى سپورتشىلارىنىڭ ءبىرى، پاريجدە وتكەن وليمپيادا ويىندارىندا ەلگە العاشقى التىن مەدالدى الىپ كەلگەن ەلدوس سمەتوۆتىڭ ەرەن ەڭبەگىن تانۋدىڭ جانە قولداۋدىڭ سيمۆولى رەتىندە بەرىلدى.
«ءبىز ءوز سپورتشىلارىمىزبەن، اسىرەسە ەلدوس سمەتوۆ سياقتى باتىرلارمەن ماقتانامىز. ولار ءوز ۇلگىسىمەن ميلليونداعان قازاقستاندىقتارعا شابىت بەرەدى. دزيۋدوعا قولداۋ كورسەتۋ — ەلىمىزدىڭ بولاشاعىنا سالىنعان ينۆەستيسيا»، — دەپ اتاپ ءوتتى SABA GROUP KZ كومپانياسىنىڭ وكىلى ساۋرىكوۆ الماس.
«كومفورت سيتي» تۇرعىن ءۇي كەشەنى — بۇل SABA GROUP KZ كومپانياسىنىڭ زاماناۋي جوباسى، ونىڭ نەگىزگى باعىتى تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالعان. كومپانيا الەۋمەتتىك باستامالاردى قولداۋدى جالعاستىرىپ، قازاقستاننىڭ دامۋىنا ءوز ۇلەسىن قوسۋدى ماقسات ەتەدى.