الماتى قالاسىنىڭ قالا قۇرىلىسىن باقىلاۋ باسقارماسى سوت شەشىمى بويىنشا كولىك جۋۋ وبەكتىسىن بۇزۋدىڭ باستالعانى تۋرالى حابارلايدى.
بۇرىن بۇل نىسادى قالقامان ش / ا-دا، تولە بي كوشەسى (ماشانا)، 308/54 ءۇي، رۇقسات قۇجاتتارى بولماسا دا مەنشىك يەسى (جەكە تۇلعا) تۇرعىزعان.
باسقارما اۋەزوۆ اۋداندىق سوتىنا نىساندى بۇزۋ جونىندە تالاپ ارىز بەردى. 2024 جىلعى 11 قاڭتاردا اۋەزوۆ اۋداندىق سوتىنىڭ ۇيعارىمىمەن تالاپ قاناعاتتاندىرىلدى. 2024 جىلعى 24 ءساۋىر الماتى قالالىق سوتىنىڭ قاۋلىسىمەن ءبىرىنشى ساتىداعى شەشىم وزگەرىسسىز قالدى.
نىساندى بۇزۋ ادىلەت دەپارتامەنتى سوت ورىنداۋشىلارىنىڭ كومەگىمەن باستالدى.
ەستەرىڭىزگە سالا كەتەيىك، الماتى اكىمى ەربولات دوسايەۆتىڭ زاڭسىز قۇرىلىسقا باقىلاۋدى كۇشەيتۋ جونىندەگى تاپسىرماسى اياسىندا وتكەن جىلدىڭ باسىنان بەرى 46 زاڭسىز نىسان، ونىڭ ىشىندە «مەچتا»، «Kناn»، «الما گاردەن» تۇرعىن ءۇي كەشەندەرى جانە باسقالارى تولىعىمەن نەمەسە ءىشىنارا بۇزىلعان بولاتىن.