ۇلتتىق قوردان بولىنگەن قاراجاتتىڭ ءبىر بولىگى ماقساتسىز جۇمسالعانى انىقتالدى

9 ملرد تەڭگەنىڭ قارجىلىق زاڭ بۇزۋ فاكتىسى انىقتالدى

رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى ناتاليا گودۋنوۆانىڭ ايتۋىنشا، ۇلتتىق قوردىڭ تۇجىرىمداماسىندا جوق باعىتتارعا 230 ملرد تەڭگەدەن استام قارجى بولىنگەن، دەپ حابارلايدى Almaty-akshamy.kz inbusiness.kz سايتىنا سىلتەمە جاساپ.  

بۇل تۋرالى ول پرەزيدەنتتىڭ قابىلداۋىنان كەيىن بەرگەن سۇحباتىندا ءمالىم ەتتى.

«مەن بۇگىن مەملەكەت باسشىسىنا ۇلتتىق قوردان بولىنگەن ماقساتتى ترانسفەرتتەرگە جۇرگىزىلگەن ءاۋديتتىڭ الدىن الا قورىتىندىسى تۋرالى باياندادىم. بۇل اۋقىمدى جۇمىستىڭ قورىتىندىسى بويىنشا شامامەن 9 ملرد تەڭگەنىڭ قارجىلىق زاڭ بۇزۋ فاكتىسى انىقتالدى. 290 ملرد تەڭگەدەن استام قاراجاتتىڭ 20 جوبا بويىنشا 20 نىسانعا ۇلتتىق قوردىڭ تۇجىرىمداماسىندا قاراستىرىلماعان باعىتتارعا 230 ملرد تەڭگەدەن استام قاراجات بولىنگەن. زاڭ بۇزۋ فاكتىلەرى نەگىزىنەن اتقارىلماعان جۇمىستار مەن ورىندالماعان قىزمەتتەرگە اقى تولەۋمەن بايلانىستى»، - دەيدى كوميتەت باسشىسى بورت №1 تەلەگرام كانالىندا جاريالانعان ۆيدەودا.

سونداي-اق، ول مەملەكەت باسشىسى قاسىم-جومارت توقايەۆتىڭ ەسەپ كوميتەتىن جوعارى اۋديت پالاتاسىنا اينالدىرۋ ماسەلەسىنە قاتىستى قوسىمشا تاپسىرما بەرگەنىن ءمالىم ەتتى.