قۋعىن-سۇرگىنگە ۇشىراعانداردى اقتايتىن زاڭ ازىرلەنەدى

قولدانىستاعى زاڭنامادان ءبىرقاتار كەمشىلىكتەر انىقتالعان

ەلدە ساياسي قۋعىن-سۇرگىن قۇرباندارىن تولىق اقتاۋ تۋرالى جاڭا زاڭ ازىرلەنەدى. زاڭ جوباسى جۇمىس توبىنىڭ ءبىرىنشى وتىرىسىندا تالقىلاندى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

جۇمىس توبىنىڭ قۇرامىندا كورنەكتى عالىم-زاڭگەرلەر، دەپۋتاتتار، سونداي-اق پرەزيدەنت اكىمشىلىگى، باس پروكۋراتۋرا، ادىلەت جانە ىشكى ىستەر مينيسترلىگىنىڭ وكىلدەرى بار. مۇراعاتتار مەن قولدانىستاعى زاڭناما نورمالارىن زەرتتەي وتىرىپ، ماماندار ءبىرقاتار كەمشىلىكتەردى انىقتاعان. سونىڭ سالدارىنان، كەيبىر قۋعىن-سۇرگىن قۇربانى ءالى كۇنگە دەيىن اقتالماعان ەكەن. جوبانى ازىرلەۋشىلەردىڭ ايتۋىنشا، جاڭا قۇجات وسىنداي كەدەرگىلەردى جويادى. ولار ءراسىمدى جەڭىلدەتىپ، تاريحي ادىلەتتىلىكتى قالپىنا كەلتىرۋ ءۇشىن تۇتاس زاڭ شىعارۋ جۇيەسىن قۇرۋدى جوسپارلاپ وتىر. 

«ءبىز جاڭا زاڭ جوباسىندا اقتاۋ بۇل – مەملەكەتتىڭ مىندەتى دەپ كورسەتىپ جاتىرمىز. جالپى بىرنەشە ورگان وسى اقتاۋ پروسەسسىنە قاتىسۋ كەرەك. قازاقستاندا ءار وڭىردە جۇمىس جۇرگىزىلىپ جاتىر»،-دەيدى مەملەكەتتىك كوميسسيا مۇشەسى سابىر قاسىموۆ.