وڭىردە جىل باسىنان بەرى 20 وقۋشى قىلمىستىق قۇقىق بۇزۋشىلىق جاساعان
اتىراۋدا ەسىرتكى تاسىمالداعان وقۋشى 7 جىل 6 ايعا باس بوستاندىعىنان ايىرىلدى، دەپ حابارلايدى Almaty-akshamy.kz Qazaqstan.tv-گە سىلتەمە جاساپ.
ول جالاقىسى جوعارى كۋرەر قاجەت ەكەنى تۋرالى حابارلاندىرۋدى الەۋمەتتىك جەلىدەن كورىپ، جۇمىسقا ورنالاسادى. جىلدام بايۋدى كوزدەگەن جەتكىنشەك پسيحوتروپتىق زاتتاردى جاسىرىن ورىندارعا جەتكىزەتىنىن بىلە تۇرا، بۇل جۇمىسقا كەلىسكەن.
اسا ءىرى مولشەردەگى ەسىرتكىنى ساقتاۋ، تاسىمالداۋ جانە وتكىزۋگە باعىتتالعان ەلەكتروندى اقپاراتتىق رەسۋرستاردى پايدالانعانى، قىلمىستىق نيەتى بارى انىقتالدى. وبلىستىق پروكۋراتۋرانىڭ مالىمەتىنشە، وڭىردە جىل باسىنان بەرى كامەلەتتىك جاسقا تولماعان 20 وقۋشى قىلمىستىق قۇقىق بۇزۋشىلىق جاساعان.