تولەنەتىن كەزدە سول كۇنگى كۋرسپەن تەڭگەگە اۋدارىلادى.
ۇلتتىق قوردان 18 جاسقا تولعان بالاعا تۇسەتىن اقشانىڭ كولەمى جاريالاندى، دەپ حابارلايدى Almaty-akshamy.kz
ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ 18 جاسقا تولعان بالانىڭ ەسەپشوتىندا قانشا اقشا جينالاتىنىن ايتتى.
كەلەسى جىلدان باستاپ قازاقستاندا "ۇلتتىق قور – بالالارعا" جوباسى ىسكە قوسىلادى. سونىڭ اياسىندا ۇلتتىق قوردىڭ جىلدىق ينۆەستيسيالىق كىرىسىنىڭ 50 پايىزى بالالار 18 جاسقا تولعانعا دەيىن ولاردىڭ ارنايى ەسەپشوتىنا اۋدارىلادى. ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆتىڭ ايتۋىنشا، قازىرگى كەزدە جىلدىق ينۆەستيسيالىق تابىستىڭ ورتاشا مولشەرى 5-6 پروسەنتتى قۇرايدى.
"بيىل جارتى جىلدىڭ ىشىندە كىرىس شامامەن 5 پروسەنتتەن اسىپ تۇر. سونىڭ ارقاسىندا شىعىننىڭ ءبىر بولىگى وتەلدى. الداعى ۋاقىتتا وسى وڭ ديناميكا ساقتالادى دەپ سەنەمىن. ءبىزدىڭ ەسەبىمىز بويىنشا بالالاردىڭ ەسەپشوتىندا 18 جاسقا دەيىن 3،5 مىڭ دوللار (قازىرگى كۋرسپەن 1 668 730 تەڭگە) جينالادى"، - دەدى بايماعامبەتوۆ سەناتتىڭ بۇگىنگى وتىرىسىندا.
ەسەپشوتتاعى اقشا دوللارمەن جيناقتالادى. سەبەبى ۇلتتىق بانك ونى بالا 18 جاسقا دەيىن تولعانشا ينۆەستيسيالاپ وتىرادى. ال تولەنەتىن كەزدە سول كۇنگى كۋرسپەن تەڭگەگە اۋدارىلادى.