«ۇلتتىق قور – بالالارعا» جوباسىنىڭ وپەراتورى رەتىندە ءبىرىڭعاي جيناقتاۋشى زەينەتاقى قورى (بجزق) بەلگىلەنبەك، دەپ حابارلايدى almaty-akshamy.kz
«الەۋمەتتىك جوبالاردى ىسكە اسىرۋ بويىنشا كوپجىلدىق تاجىريبەنى جانە مەملەكەتتىك دەرەكقورلارمەن جەدەل ىقپالداسۋ مۇمكىندىگىن ەسكەرە وتىرىپ، جوبا («ۇلتتىق قور – بالالارعا») وپەراتورى رەتىندە «ءبىرىڭعاي جيناقتاۋشى زەينەتاقى قورى» اق-نى بەلگىلەۋ جوسپارلانىپ وتىر»، - دەدى كەيبىر زاڭنامالىق اكتىلەرگە ۇلتتىق قوردان بالالارعا تولەم جاساۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن تانىستىرعان ءۇنزيلا شاپاق.
ونىڭ اتاپ وتۋىنشە، بجزق:
– اقپاراتتىق جۇيەدە نىسانالى تالاپتارعا قاتىسۋشىلاردىڭ تالاپتارىن ەسەپكە الۋ؛
– نىسانالى جيناقتاردى الۋشىلارعا جيناقتاۋ شوتتارىن اشۋ؛
– نىسانالى جيناقتاۋ شوتىنداعى جيناقتاردى ەسەپكە الۋ؛
– نىسانالى جيناقتاردى تولەۋ؛
– جەكە تۇلعالاردىڭ دەربەس دەرەكتەرىن مەملەكەتتىك ورگانداردىڭ اقپاراتتىق جۇيەسىنەن دەربەس دەرەكتەر سۋبەكتىلەرىنىڭ كەلىسىمىنسىز جيناۋ جانە وڭدەۋ؛
– بجزق ينتەرنەت-رەسۋرسى جانە ەلەكتروندىق ۇكىمەت ۆەب-پورتالىنىڭ جەكە كابينەتى ارقىلى نىسانالى تالاپتار مەن نىسانالى جيناقتاردىڭ سوماسى تۋرالى مالىمەتتەردى ۇسىنۋ فۋنكسيالارىنا يە بولادى.
«وسىلايشا، قارالىپ وتىرعان زاڭ جوباسى مەملەكەت باسشىسىنىڭ 2024 جىلدان باستاپ «ۇلتتىق قور – بالالارعا» جوباسىن ىسكە قوسۋعا قاتىستى تاپسىرماسىن ىسكە اسىرۋ ءۇشىن قاجەتتى جاعداي تۋدىرادى»، - دەدى ول.